Txertoak kostaprezioan zabaltzea babestu du AEBk baina ez dio ezer patenteei buruz
Jake Sullivan Joe Biden AEBetako presidentearen segurtasun nazionaleko aholkulariak igande honetan adierazi duenez, koronabirusaren aurkako txertoa garatu duten farmazia enpresak mundu osoan txertoak kostaprezioan zabal ditzaten lanean ari dira
"Farmazia-konpainiek txertoa kostuaren prezioan eman beharko luketela uste dugu, txertoa jasotzeko oztoporik egon ez dadin", azaldu du Sullivanek ABC telebista katean egindako elkarrizketa batean.
Bidenen aholkulariak ziurtatu duenez, Katherine Tai Ameriketako Estatu Batuetako Merkataritzako ordezkaria etenik gabe ari da hizketan Munduko Merkataritza Erakundearekin txertoa eskuratzeko arazoak gainditzeko, eta "jarraitu beharreko bidea datozen egunetan argituta" egon beharko litzatekeela gaineratu du.
Bernie Sanders senataria buru duen 10 demokrata aurrerakoien talde batek gutuna bidali dio egunotan Biden presidenteari farmazia enpresei koronabirusaren txertoen patenteak aldi baterako uzteko eskatzeko galdeginez. Hala, behar duten herrialdeak produzitzeko gai izango lirateke.
"Aldi baterako salbuespen hori premiaz babesteko eskatzen dizuegu, bizitzan behin bakarrik ikusten den pandemia globalari erantzun eraginkorrena emateko", idatzi diote demokratek Bideni. Sullivanek ez du, ordea, gai horren ingurukorik esan.
Txertoen patenteen aldi baterako etete hori Indiak eta Hegoafrikak proposatu dute MMEren aurrean; izan ere, koronabirusaren erasana gehien pairatzen ari diren herrialdeetako bi dira. Indian, adibidez, ehunka mila kutsatze berri izaten ari dira egunero, eta ospitaleek ez du nahikoa materialik aurre egiteko.
Sullivanek adierazi du Washington "harro" dagoela Indiari laguntzeko orain arte egin denarekin, nahiz eta beti nahi izango luketen "are gehiago egin".
AEBko ordezkariak azaldu duenez, "oxigenoz betetako hegazkin militar handiak bidali ditugu, txertoetarako lehengaiez beteta eta bizitzak salbatzeko tratamenduz beteta", eta "laguntza ahalik eta azkarren" ematen jarraitzen dutela gaineratu du.
"Aldaerekin kezkatuta gaude, hedapenarekin kezkatuta gaude, galtzen diren bizitzekin kezkatuta gaude, baita pandemia Indian kontroletik kanpo dagoen bitartean sor daitezkeen albo-ondorioekin ere" gaineratu du.
Zure interesekoa izan daiteke
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.
Xabier Agote (Albaola): "Euskaldunek mundu mailan puntako itsas teknologia garatu zuten duela 500 urte"
EITBk Albaolako presidentearekin hitz egiteko aukera izan du San Juan baleontzia uretaratu eta biharamunean. Pozik eta hunkituta agertu da, baina aurretik lan handia dutela esan du; izan ere, belak eta mastak egin behar dituzte oraindik. Astelehenetik aurrera, lanean jarraituko dute, ontzia ekipatu eta udaberrian berriz ikusgai jartzeko.