Botiloiak desegin dituzte Bilbon, Berrizen, Getxon, Leioan, Lemoan eta Ordizian
Ertzaintzak eta Udaltzaingoek hainbat botiloi desegin ditu goizaldean Bilbon, Berrizen, Getxon, Leioan, Lemoan eta Ordizian, besteak beste. Alarma egoera bertan behera gelditu eta orduetara, poliziak hainbat identifikazio egin ditu EAEko herrietan eta hirietan.
Hala, 00:00etatik aurrera hainbat bilkura izan diren arren, Segurtasun Sailak adierazi du ez dela “istilu aipagarririk” gertatu.
Leioan, 02:30ean, hainbat pertsona bildu dira Artazako parkean eta horietako batzuek objektuak jaurti dizkiete Babes Zibileko bi patruilari. Brigada Mugikorreko langileak ere bertaratu dira eta, orotara, hiru pertsona identifikatu dituzte kalean edateagatik eta errespetu faltengatik. Ez da zauriturik egon.
Beste hainbat tokitan Ertzaintzak eta Udaltzaingoek hainbat pertsona kontzentrazio desegin dituzte, kalean edatea debekatuta dagoela gogoraraziz. Besteak beste, Getxon, Berrizen, Bilbon (Artxanda), Arrigorriagan, Santurtzin, Ordizian eta Lezon jazo dira gertakariok eta, gehienetan, jendeak alde egin du patruilak bertaratu orduko.
Hainbat identifikazio eta isun proposamen jazo dira, 55 gauerditik aurrera, maskara ez erabiltzeagatik eta kalean edateagatik guztiak.
Hainbat gazte, Getxon. Argazkia: EFE
Kontainerrak erre dituzte Eibarren eta Bilbon
Halaber, Eibarreko hirigunean hamar kontainer erre dira eta Ertzaintza gertakaria ikertzen ari da. Suhiltzaileak bertan izan dira suteak itzaltzen.
Gainera, Bilboko Txotena kalean bi kontainerrek su hartu dute eta ondoan zegoen auto bati kalteak eragin dizkio suteak.
Zure interesekoa izan daiteke
Baiona eta Frantziako Tolosa lotzen dituen A-64 autobidea partzialki ireki dute
Biarnoko zatia da zabaldu dutena. Hala ere, laborariek oraindik blokeatuta daukate Ipar Euskal Herriko zatia dermatosi nodularraren neurriak salatzeko protesta gisa.
Fitnessaren arrakasta: gimnasioak zabalik, baita Eguberri egunean ere
Hutsik egin gabe, egunero kirola egiteko ohitura daukatenek ez dute barkatzen, ezta Eguberri egunean ere. Hori dela eta, gero eta gimnasio gehiagok zabaltzen dituzte ateak horrelako egun berezietan. Ariketa saio bat eginda, lasaiago eta gose handiagoz jartzen omen da bat mahaian.
Donostiako Kontxapuzoia 200 parte-hartzailerekin itzuli da, bularreko minbizia duten emakumeei laguntzeko
Kontxako hondartzan izan da espero zen Kontxapuzoia: 200 ausart uretara oldartu dira hotzari aurre egiteko eta Katxalin elkartearen mesedetan dirua biltzeko. Marmoken presentzia dela-eta iazko etenaldiaren ondoren, CD Fortunak antolatutako elkartasun ekitaldiak komunitatea bildu du Eguberrietako ohiko hitzordu honetan, babes eta elkartasun erakustaldi batean.
Donostian atxilotu dute, 17 ibilgailutan kalteak eragiteagatik
Ertzaintzak 30 urteko gizon bat atxilotu du bart, aparkatuta zeuden 17 ibilgailutan kalteak eragiteagatik, Eusko Jaurlaritzako Segurtasun Sailak jakitera eman duenez.
Gizon bat atxilotu dute Azkoitian, emakume bati sexu-erasoa egiten saiatzeagatik
Erasotzaileak bizikleta batean ihes egin du, eta handik gutxira bi lekukok geldiarazi dute, atzetik jarraitu diotelako ibilgailuekin. Gertatutakoa salatzeko, Itaiak elkarretaratzea egin du gaur, "Eraso matxistei aurre egin!" lelopean.
Olentzero eta Mari Domingiren magia Euskal Herriko etxeetara iritsi da
Ilusioa, urduritasuna eta irribarreak errepikatzen dira abenduaren 25ean Euskal Herriko etxeetan. Haurrek Olentzerok eta Mari Domingik gauean utzitako opariak ezagutu dituzte, emozioz beteriko goiz batean.
Bi gizonezko atxilotu dituzte Bilbon, jatetxe batean eta ileapandegi batean lapurtzen saiatzeagatik
Bi atxilotuek aurrekari polizialak dituzte horrelako gertakariengatik, eta ertzain-etxean daude epailearen esku utzi arte.
Arrain freskorik gabeko bost egun izango ditu Bizkaiak Gabonetan
Jaiegunen konbinazioak eta Mercabilbaoren urteko itxierak hornidurarik gabe utziko ditu arrandegiak abenduaren 26tik 30era bitartean.
Azken erosketak Gabonak baino lehen: saltzaileen eguna
Gaur Gabon gaua da, eta dendek unerik frenetikoena bizi dute. Presak, urduritasunak eta azken orduko eskaerek markatzen dute jardunaldia, saltzaileek bezero guztiei arreta emateko malabareak egiten dituzten bitartean. Gabonetako kanpainako egunik gogorrenean, mostradoreen beste aldera begiratu bat eman diogu.
Euskal Herriko hiri eta herrietan ibili dira Olentzero eta Mari Domingi, Eguberria iragarriz
Urteko gaurik magikoenetako bat da Gabon Gaua, neguko solstizioa eta argi berria ospatzeko unea. Eta Olentzero eta Mari Domingi gure herri eta hirietara jaisten dira une hauek guztiokin igarotzeko. Gauean opariak banatu aurretik herri eta hirietako kaleetan ikusi ahal izan ditugu.