Nafarroak ostalaritzaren barrualdea irekiko du astelehenetik aurrera, muga batzuekin
Nafarroako Gobernuak ostalaritzaren barrualdea irekitzea baimenduko du heldu den astelehenetik aurrera, muga batzuekin bada ere. Barruan gehienezko edukiera % 30ekoa izango da, salbuespenak salbuespen. Izan ere, mahaien arteko distantzia handiagoa denean muga hori gainditu ahalko da.
Ostiral honetan Nafarroako Aldizkari Ofizialean argitaratuko den 16/21 foru aginduaren baitan jasota daude neurri horiek guztiak.
Taberna eta jatetxeetako barrualdeak 22:00ak arte zabaldu ahalko dituzte. Horretarako bi aukera dituzte ostalariek.
Arau orokor gisa, gehienezko edukiera % 30era mugatu dute, beti ere mahaien arteko distantzia bi metrokoa bada, horien ertzetik neurtzen hasita. Bezeroek eserita kontsumitu beharko dute, gehienez ere lauko taldetan. Barran eskariak egin eta jaso ahalko dira. Salbuespen gisa, mahai bakoitzean sei elkartzea baimentzen du Nafarroako Gobernuak, pertsonen arteko segurtasun distantzia 70 zentimetrokoa denean.
Maskara nahitaezkoa izango da jateko edo edateko unean izan ezik. Ostalariak gehienezko edukiera zenbatekoa dioten informazio kartelak jarri beharko ditu. Gainera, aireztatze egokia izan beharko da eta, ahal izanez gero, naturala.
Bigarren aukera gisa ostalariek fitxa tekniko bat eta erantzukizunezko adierazpen bat bete beharko dute, oro har ostalaritzak bete behar dituen baldintzez gain espezifikoak diren beste batzuk beteko dituztela hitzemanez. Aukera honen aldeko hautua egiten dutenek baldintza ezberdinak izango dituzte, edukierari eta mahaien arteko distantziari dagokionez. Halaber, CO2 neurgailuak eduki beharko dituzte.
Kasu horretan, barrualdeko gehienezko edukiera mahaien araberakoa izango da, betiere distantzia eta segurtasun neurriak beteta. Barruko mahaiak aulkietatik bi metroko distantziara jarri beharko dira eta gehienez 6 pertsona eseri ahalko dira mahai bakoitzean, pertsonen artean 70 zentimetroko tartea errespetatuta.
Gainera, aukera horren aldeko apustua egiten dutenek trazabilitate-sistema bat martxan jarri beharko dute, positibo bat izatekotan bezeroekin azkar batean harremanetan jarri ahal izateko. Kasu honetan ere eserita kontsumitu beharko da, barran ez. Maskara ere derrigorrezkoa izango da kontsumitzeko unean izan ezik.
Ostalaritzako establezimenduetako terrazak, aldiz, 01:00ak arte egon ahal dira zabalik, baina gauerditik aurrera ezingo dute bezero berririk hartu.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.