Zaldibarko Udalak Joaquin Beltran bilatzen jarraitzeko eskatu dio Eusko Jaurlaritzari
Zaldibarko Udalak (Bizkaia) Joaquin Beltran bilatzen jarraitzeko eskatu dio Eusko Jaurlaritzari, "gutxieneko aukera bat baldin badago", Eusko Jaurlaritzak iragarri baitu 2020ko otsailean eraitsitako zabortegian hondakinak bilatzeko lanak bertan behera geratuko direla.
Zaldibarko Udalak elkartasuna agertu dio familiari, eta, azpimarratu duenez, "Udalaren lehentasuna beti izan da erorketaren ostean desagertutako pertsonak aurkitzea".
Zentzu horretan, Alberto Sololuzeren gorpuzkiak abuztuan aurkitu ostean, "hurrengo helburu nagusia Joaquin Beltran aurkitzea zen, eta udal honentzat, urte osoan zehar errepikatu dugun bezala, lehentasuna izaten jarraitzen du", gaineratu du.
Hori dela eta, "gutxieneko aukera bat baldin badago", erabakia berriz aztertzeko eta Joaquin Beltranen bila jarraitzeko eskatu dio Eusko Jaurlaritzari, "aukera guztiak agortu arte".
Zaldibarko Udalak "adiskidetasunik eta elkartasunik zintzoena" erakutsi dio Joaquin Beltranen familiari, "bere desagerpenak senide eta gertukoen artean bete ezinezko hutsunearen jakitun".
Halaber, "esker ona" adierazi die "Alberto Sololuzeren eta Joaquin Beltranen gorpua aurkitzeko borrokatu diren langileei".
Zaldibarko alkateordea hunkituta mintzatu da Joaquin Beltranen gorpua aurkitzeko lanak bertan behera geratu ondoren.
Zallako Udalak ere "maitasun eta babes osoa" helarazi dio Beltrani
Zallako Udalbatzak bere "maitasun eta babes osoa" helarazi nahi izan die Joaquin Betranen familiari eta lagunei. "Zuen esanetara jartzen gara behar duzuenerako", erantsi dute.
Udalak ohar batean nabarmendu duenez, "gaur egun tristea da Zallako herri osoarentzat. 15 hilabete luze hauetan ez dugu galdu Joaquinen gorpua topatuko zutenaren gaineko itxaropena, familiak eta lagunek atseden har zezaten eta azken agurra eman ziezaioten".
Zure interesekoa izan daiteke
Angulen legez kanpoko trafikoaren aurkako operazioa 10 atxiloturekin eta 400 kilo atzemanda amaitu da
Guardia Zibilak eta Jendarmeriak elkarlanean egindako operazioan, Gipuzkoan eta Iparraldean aritzen zen talde bat desegin dute.
Bartzelonan, Madrilen eta Berlinen ere Korrika!
Korrikak ez duela mugarik erakutsi du berriz ere. Larunbat honetan ehunka lagun bildu dira Bartzelonan, Madrilen eta Berlinen euskararen alde korrika egiteko. Tradizio bihurtzen ari da Euskal Herritik kanpo ere korrika egitea eta auten 50 hiri handitan antolatu dute hitzordua. Ikusmin handia eragin dute inguruan zebiltzan herritarren eta turisten artean.
Ehun bat polizia atxilotu edo ikertu dituzte Espainian azken bost urteetan, narkotrafikoarekin lotura izateagatik
EH Bilduk egindako galdera bati erantzunez, Espainiako Gobernuak jakinarazi du 106 agente atxilotu edo ikertu dituztela 2021eaz geroztik, baina ez du zehaztu zein polizia zerbitzutakoa den ikertutako edo atxilotutako pertsona bakoitza.
Arrazismoaren aurkako martxa batek "faxismoaren gorakada" eta "zigorgabetasuna" salatu ditu Bilbon
Arrazagatiko Diskriminazioa Ezabatzeko Nazioarteko Eguna dela eta, ehunka pertsonak bat egin dute larunbat honetan Arrazakeriaren aurkako Bilboko M21 Asanbladak deitutako manifestazioarekin. "Faxismoaren gorakada" salatu, eta "talde neonazi eta supremazisten" jarduera eta diskurtsoen "zigorgabetasunaz" ohartarazi dute. 12:00ak jota zirenean hasi da martxa, Mariaren Bihotza plazan, eta San Frantzisko kalea Zabalbururaino zeharkatu eta gero, Bilboko udaletxearen aurrean amaitu da, manifestu bat irakurrita.
Edukiontziak erre dituzte bart Getxon eta Bilbon, eta ikerketa zabaldu du Ertzaintzak
Getxoko Areeta auzoan, 12 edukiontziri eman diete su, eta Bilboko Zorrotza auzoan, 3 erre dituzte. Ikerketa abiatu dute, eta Getxoko Udaltzaingoa susmagarri bat identifikatzeko lanean ari da jada.
Durango, Palestinaren alde
Musikari ez ezik, bertsolariei eta umoregileei ere ireki die leihoa Oihu bat Palestinara jaialdiak; izan ere, Maialen Lujanbio, Amets Arzallus, Txaber Altube eta Nerea Ibarzabal bertsolariek eta Antton Telleria eta Asier K. bakarrizketariek hartu dute parte.
Nafarroako Erribera luze-zabalean zeharkatuta, Iruñerako bidea hartuko du gauerdian Korrikaren lekukoak
13:23an iritsiko da igandean Korrika Nafarroako hiriburura, bere laugarren egunean. Euskararen aldeko pausoek Erribera hartu dute larunbat honetan, korri eginez eta euskaraz bizitzeko aldarria ahotan.
Ehunka lagun elkartu dira Bilbon, "Kuba bizirik. Blokeorik ez!" lelopean
Hegoak plataformak deituta, Kubaren aldeko elkarretaratzea egin dute gaur eguerdian Bilboko Areatzan, "EBk ezarritako itolarri ekonomiko eta energia blokeo politika arbuiatzeko". Habanara iritsiko den konboi solidarioaren alde ere agertu dira. Bilbon bezala, Iruñean ere mobilizatu dira plataforma horrek deituta.
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da gertatua. Zantzu guztien arabera, 40 urteko gizonak 3 urteko alaba hil du eta bere buruaz beste egin du ondoren.