Epaileek Nafarroako neurriak baimendu dituzte, gurtzarako tokietako murrizketak salbu
Nafarroako Justizia Auzitegi Nagusiko Administrazioarekiko Auzien Salak Nafarroako Gobernuak iragarritako neurri berriak baimendu ditu, gurtzarako eremuetan ezarri nahi zuen edukiera muga izan ezik, justifikatuta ez dagoela iritzita.
Pandemiaren bilakaerak hobera egin duela eta alarma-egoera amaitu dela kontuan hartuta, Nafarroako Gobernuak orain arteko neurri murriztaileak arindu ditu, sektore eta jarduera ezberdinetan edukierak handituz eta ordutegiak luzatuz.
Neurriak ostiral honetan sartuko dira indarrean, eta, gutxienez, ekainaren 3a arte mantenduko dituzte.
Nafarroako Gobernuak gehienez zortzi pertsona eta hiru bizikidetza unitate biltzea gomendatzen du dekretu berrian. Epaileek esan dute neurri horrek ez duela baimen judizialik behar, aholku bat delako, ez agindu bat.
Gurtzarako eremuetan ezarritako % 30eko edukiera muga, berriz, atzera bota du. Epaimahaiak ebatzi duenez, ez dago justifikatuta santutegietako edukiera % 30ean mantentzea, beste sektore eta jarduera batzuetan % 50era igotzea erabaki dutenean, pandemiaren bilakaera ona dela argudiatuz.
"Dekretuan eta harekin igorritako dokumentuetan ez dago neurri hori justifikatzen duen daturik, eta ez dute argudiorik ematen neurri horrek kutsatzeak ekiditeko izan dezakeen balizko eraginkortasunari buruz", dio autoak.
Gainerako neurri guztiak, baina, berretsi egin ditu. Horrela, bada, hainbat jardueraren ordutegia 21:00etatik 22:00etara luzatuko dute, denden, igerilekuen edo liburutegien kasuan, adibidez.
Halaber, elkarte gastronomikoak, lagunarteen lokalak, bingoak eta jokorako aretoak berriro irekiko dituzte, % 30eko edukierarekin.
Horrez gain, dagoeneko indarrean dauden neurriei eutsiko zaie. Ostalaritzako establezimenduen barrualdea 22:00ak arte egon ahalko dira irekita, % 30eko edukierarekin eta CO2 neurgailuak jarrita. Terrazetan, berriz, edukiera % 100ekoa izan daiteke eta gehienez 01:00a arte egon ahalko dira zabalik.
Zure interesekoa izan daiteke
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.
Zigorrak ezarri dizkiete Basauri BEA taldeari, entrenatzaileari eta lau jokalariri, epaile neska bati eraso egiteagatik
Klubak hiru partida ateak itxita jokatu beharko ditu; entrenatzaileari eta jokalariei, berriz, lau eta sei partida arteko zigorrak ezarri dizkiete. Gainera, isun ekonomikoak ordaindu beharko dituzte; klubaren kasuan, 600 eurokoa.