Kultur ekitaldietako edukierak eta ordutegiak zabalduko dituzte Nafarroan, gaurtik
Nafarroako Gobernuak pandemiaren aurkako neurri murriztaileak arintzen jarraitzen du, eta ostiral honetatik aurrera kultur ekitaldietako edukiera eta ordutegiak zabalduko dituzte. Halaber, ostalaritza barrualdeko ordutegia luzatu egingo dute.
Santos Indurain Osasun kontseilariaren dekretu berria ostiral gauerdian sartu da indarrean, eta ekainaren 3ra arte egongo da indarrean.
Neurri asko bere horretan mantenduko dira, eta beste hainbat aldatu egingo dituzte. Hasteko, ostalaritzako establezimenduetan, barrualdean kontsumitu ahal izateko ordutegiak 22:00etatik 23:00etara zabalduko dute. Ordutegi hori aplikatuko da ikuskizunetarako eremuetan, bingoetan eta joko eta apustu lokaletan ere.
Peñak eta elkarte gastronomikoak maiatzaren 21ean ireki zituzten, eta eremu horietan jarduerak eta ekimenak antolatzeko bete beharreko prebentzio neurri guztiak dekretuan jasotzen dira. Etxabe eta lokalek, berriz, itxita jarraituko dute.
Bestalde, kulturaren sektorean ordutegiak eta edukierak zabalduko dituzte. Joan den asteazkenean Nafarroako Gobernuko ordezkariak sektore horretako eragileekin bildu ziren, protokoloak zehazteko.
Horrela, bada, ostiral honetatik aurrera, zinemetan, antzokietan, auditorioetan, zirkuetan eta antzeko eremuetan edukiera % 50etik % 60ra handituko dute.
Gainera, gehienez bil daitezkeen pertsonen kopurua 200etik 300era igaroko da barrualdean, eta 400etik 600era kanpoaldean egiten diren ekitaldietan.
Kultur ekitaldi eta ikuskizunak 23:00etan amaituko dira, beranduenez. Orain arte 22:00etarako bukatu behar ziren.
Ikuskizunak antolatzeko baimena duten kafetegien kasuan, bi eredu eskaintzen dira: kulturaren sektoreari ezarritako edukierarekin (% 60) irekitzea, baina kontsumitzeko aukerarik gabe, edo, janaria eta edaria zerbitzatu nahi badute, ostalaritzari ezarritako baldintzak betetzea (% 30eko edukiera, segurtasun-tartea bermatzea mahaien artean eta C02 neurgailuak jartzea).
Zinemek ere bi aukera horiek izango dituzte: % 60ko edukiera izan nahi badute, barruan kontsumitzea galarazi beharko dute, eta ikusleek jateko eta edateko aukera izatea nahi izanez gero, aipatu baldintzak bete beharko dituzte (% 30eko gehienezko edukiera, eserlekuen arteko segurtasun-tartea bermatzea eta C02 neurgailuak jartzea).
Bestalde, establezimenduetan alkoholdun edariak saltzea debekatuta egongo da 22:00ak eta 08:00ak bitartean. Orain arte, murrizketa hori 21:00etan hasten zen.
Albiste gehiago gizartea
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.