Pertsona migratzaileen harrera duina eskatu dute, Irun eta Hendaiako manifestazioetan
Irungo Harrera Sareak eta La Cimade, Etorkinekin eta Diakité elkarteek deituta, manifestazio bana egin dute Irunen eta Hendaian, pertsona migranteentzat harrera duina eskatzeko. Gainera, mugako "kontrol arrazistak" salatu dituzte, eta agintariei harrera plan integrala eskatu diete.
17:00etan abiatu dituzte bi protestak, Irungo San Juan plazatik bata, eta, Hendaiako Udaletxetik, bestea. Santiago zubian egin dute bat bi zutabeek, eta Ficoba azoka barrutian bukatu da protesta. "Harrera Herria", "Inor ez da ilegala" eta "Des Ponts, Pas des Murs" izan dira eguneko leloak.
Manifestariak, Irunen. Argazkia: Xabier Urteaga (Euskadi Irratia)
Irungo Harrera Sarearen txioa
Antolatzaileek irakurri duten manifestuan, erakundeei eskatu diete "Irun eta Hendaiako alkateei, diputazioei, Eusko Jaurlaritzari eta Harrerarako Mahaia Interinstituzionalari bizietan eta itxaropenean oinarritutako politikak" egiteko.
Gainera, "Bidasoako eskualdera iristen diren pertsona migrante guztiei" behar bezalako harrera egiteko eskatu dute. Manifestuan azaldu dutenez, pertsona horiek kalean uztean, "haien etsipena areagotu egiten da eta heriotzara eraman ditzaketen erabakiak hartzera behartuta daude askotan".
Kolektiboek galdegin dute mugako "kontrol arrazistak eta berehalako kanporatze sistematikoak" eteteko, eta "bizi hobe baten bila dauden pertsonen zaurgarritasuna areagotzen duten politikak" alde batera uzteko.
Ildo beretik, Yayaren heriotza —duela astebete Bidasoa ibaian hilik agertu zen gazte migrantea— gogorarazi dute, "pertsona migranteen heriotza normalizatzea" ezinezkoa dela azpimarratuz.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.