Aldundiak ofizioz jardun zuela dio, Costumero auziaren "garrantzia" tarteko
Costumero auzian parte hartu zuen talde psikosozialak adierazi du ofizioz jardun zuela, "kasuaren garrantzia tarteko", "Bizkaiko Foru Aldundiaren Haurren Zerbitzuaren esku hartzea beharrezkoa" zela ondorioztatuta.
Auzitegiko forentseek 2017an egin zuten kasuaren balorazioa, Barakaldoko Gizarte Zerbitzuek Costumero auzia Bizkaiko Foru Aldundiaren Haurren Zerbitzuaren ardurapean utzi eta gero, "babesgabetasun arrisku larria" eta "tratu txar emozionala eta gurasoen arteko gatazken instrumentazio zantzuak" ikusita.
Aldundiak adin txikikoaren aldi baterako zaintza bere gain hartu zuen orduan, foru lege bat sinatuta, haurrari "berehalako arreta" emateko. Hala, umea aitarekin egotea erabaki zuten eta amari bisita erregimena ezarri zioten.
Aldundiaren ibilbidea Costumero kasuan
2017ko otsailean, Aldundiak haurraren balorazio prozesuari ekin zion, umeak berak eta gurasoek —zaintza partekatua zuten ordura arte— Familiei Laguntzeko Zerbitzuko programa batean izena eman behar zutela ebatziz, egoera sakon aztertzeko, eta "aita-alaben arteko harremana konpontzeko erraztasunak" emateko.
Apirilean, amak bisita erregimena betetzen ez zuela ikusita, aitak erreklamazioa egin zuen epaitegietan, zaintza neurriak aldatzeko.
2017ko uztailean, Haurren Zerbitzuak neskatoaren "arrisku egoera larria" ikusita, adin txikikoaren aldi baterako zaintza bere gain hartzea erabaki zuen, epaia atera arte. Erabakia "umeari berehalako arreta" emateko hartu zuen Aldundiaren erakundeak, aitari haurrarekin egoteko baimena emanez, "honek adin txikikoarekin duen harremana aztertzeko" eta "familiarengatik urruntzea ekarriko zuten neurriak ekiditeko". Hala, uda horretan bertan, Bizkaiko Foru Aldundiak bere gain hartu zuen haurraren aldi baterako zaintza.
Auzia koordinatzen zuen taldearen idatzian oinarritu zuten epaia, eta txosten horrek haurrari buruzko hainbat balioztapen biltzen zituen; besteak beste, Barakaldoko Topaketa Gunearen balorazioa, Osakidetzaren txosten psikologiko bat, Ezkerraldeko Haur eta Gazteen Psikiatria Zentroko idatzi bat eta eskolako beste bat, 2017ko martxoan umearen eskola absentismoa % 70ekoa zela berresten zuena.
Haurren Zerbitzuko profesionalen ebazpenak, beraz, aldaketa esanguratsua eragin zuen gurasoen eta haurren arteko harremanetan; izan ere, aitari adin txikikoaren zaintza eman eta amari bisita erregimena ezarri zioten, foru lege bidez. Aldundiaren arabera, alabak 2017ko irailean berreskuratu zuen harremana amarekin, telefonoz lehenengo eta gainbegiratutako bisitekin gero.
Ordutik gaur egunera arte, gurasoek eta alabak familiei laguntzeko planetan parte hartzen jarraitu dute, eta Haurren Zerbitzuko koordinatzaileen artean egin dute kasuaren jarraipena.
2021eko ekainaren 4an, Lehen Auzialdiko 6. Epaitegiak (Haurren auzitegia) aitari eman zion adin txikikoaren kustodia, aitaren eta amaren guraso-ahala mantenduz eta amari bisita erregimena ezarriz. Fiskaltza ere aitaren zaintzaren alde agertu zen.
Epaiak aurretik sinatutako foru legea baliogabetzen du, baita alabak aitarekin egon behar duela berretsi ere. Hala ere, haurrak amarekin bisitak izaten jarraitu behar duela ebatzi zuen epaileak.
Bizkaiko Aldundiaren kontrako epaiketa
Ekainaren 7an hasiko da Bizkaiko Auzitegian, Sergio Murillo gaur egun Bizkaiko Gizarte Ekintzako diputatuaren eta bere saileko beste hiru funtzionarioren kontrako epaiketa, Irune Costumerori bere bost urteko alabaren zaintza kentzeko foru agindua sinatzeagatik, umea "aitaren kontra manipulatu" egiten zuela argudiatuta.
"Gurasoak eragindako alienazio sindromea" egotzi zioten, nazioarteko inongo erakunde mediku edo psikiatrikok onartzen ez duen gezurrezko patologia bat, baina prozesu judizialetan aplikatzen dena, askotan amei haurrak kentzeko, aita ikusi nahi ez duten umeek sindrome hori dutela argudiatuz. 2017an banandu zuten umea amagandik, eta etengabe saiatu den arren, kasua orain arte ez da epaitegietara iritsi. Orduz geroztik, aitarekin bizi da haurra.
Ekainaren 7tik 9ra egingo den epaiketan, bost urte eta sei hilabeteko kartzela zigorrak eskatzen dituzte akusatuentzat.
Zure interesekoa izan daiteke
Gironako sutearen bilakaera ona da eta gauean zehar egonkortzea aurreikusten dute
Larunbat arratsaldeko azken orduan, Salvador Illa Generalitateko presidenteak iragarri du, "zuhurtzia osoz", Gironako Les Gavarreseko sutearen bilakaera ona dela eta suhiltzaileek gauean egonkortzea aurreikusten dutela. Suak 2.200 hektarea kiskali ditu eta 12.000 pertsona konfinatuta daude.
Sanferminetan ere indarkeria matxistaren kontra borrokatzeko aldarria ozen entzun da Iruñeko kaleetan
Itaia emakumeen mugimendu sozialistak deituta, manifestazio jendetsua egin dute arratsaldean Nafarroako hiriburuan. La Manada auziaren 10. urtemugan eta matxismoa gogortzen ari den honetan, antolatzeko eta borrokatzeko deia egin dute ehunka gaztek.
Manteroen aldeko kolektiboek "manteroak zapaltzeko mekanismo gaiztoa" salatu dute Bilbon
Beste bizibiderik ez duten manteroei isunak eta espetxe zigorrak ezartzen dizkieten bitartean, eta udaltzaingone jazarpena pairatzen duten bitartean, falsifikazioaren negozioaren konplize diren marka handiek poltsikoak betetzen dituztela salatu dute hainbat mantero eta herritarrek Mbolo Moye Doole eta Manteroekin Bat kolektiboek deitutako protestan.
San Fermin usaina dario jada Iruñeari
Txupinazorako egun gutxi falta diren honetan, kolore zuri-gorria nagusitzen hasi da Nafarroako hiriburuan. Ostalariak eta dendariak lanpetuta daude, prestaketa lanei azken ukituak ematen.
La Manada auziaren prozesu judizialak gizartearen haserrea piztu zuen
Bi auzitegik ez zuten ez larderiarik ez indarkeriarik ikusi 2016ko uztailaren 7an bost gizonek emakume bati egindako talde-erasoan, eta 2018an abusuagatiko zigorra eman zuten. Bitartean, kaleetan, Iruñean aurrena eta estatu osoan gero, oihu bat zabaldu zen: "Ez da abusua, bortxaketa da". Azkenean, aldarri zena, epai irmo batean islatu zen.
Gazte bat atxilotu dute Urretxun, pisukideari labanaz eraso egitea egotzita
Biktima, 23 urtekoa, Zumarragako Ospitalera eraman dute, aurpegian eta bularraldean zituen ebakiak sendatzeko.
Bypassa ezarri dute N-1 errepidean, Tolosa parean eta Donostiarako noranzkoan, igandera arte
Zorua hobetzeko lanak tarteko, bide zati horretan errei bakarra izango da noranzko bakoitzean.
Beroagatik alerta laranja ezarri dute astelehenerako ia Hego Euskal Herria osoan
Araban eta Bizkaiko eta Gipuzkoako barnealdean 38 ºC-rainoko maximoak espero dira, eta 41 ºC-rainokoak Foru Erkidegoaren erdialdean eta Erriberan. Kostaldean, Pirinioetan eta Nafarroako Kantauri isurialdean abisu horia ezarri dute eta termometroa 33-36 graduraino igoko da bertan.
Elkarretaratzea egin dute Donostian, hiriko gozoki-denda batean adingabe bati egindako sexu-erasoa gaitzesteko
Itaiak eta Amara Berriko Gazte Asanbladak deitu dute protesta, eta "eraso matxista bakoitzari aurre egin eta kaleak hartzeko" deia egin dute. Erasotzailea, dendaren jabea bera, kartzelan sartu dute.
Epaitegiak Euskal Udalekuak elkartearen aldeko epaia berretsi du, eta Arabako Foru Aldundiaren helegitea atzera bota
Epaileak bertan behera utzi du Sarrea Euskal Udalekuari Bernedon kanpamenduak antolatzeko ezarritako gaitasungabetzea. Legez Sarreak udalekuak ospa ditzakeen arren, antolatzaileek debekua indarrean sartu zenean martxan jarri zituzten alternatibei eustea erabaki dute.