11 motor-gidari hil dira urtarriletik EAEn, bi larunbat honetan bertan
Josu Erkoreka Eusko Jaurlaritzako lehendakariordeak jakiera eman duenez, Segurtasun Sailak sentsibilizazio kanpainak egingo ditu motorzaleen artean heriotzak murrizteko, urtea hasi zenetik EAEn 11 lagun hil eta gero, horietako azken biak larunbat honetan bertan.
Batetik, 53 urteko motorzalea hil da 00:40 aldera, N-634 errepidean izandako zirkulazio-istripuan Usurbil parean (Gipuzkoa), errepidetik atera ostean.
Bestetik, beste motorzale bat hil da gaur arratsaldean Galdameseko errepidean (Bizkaia) izandako istripuan. Ezbeharra BI-3632 errepideko 31. kilometroan gertatu da, Galdamesetik Sopuertara doan errepidean 18:00ak aldera. Motorra errepidetik irten da eta gidaria oso larri zauritu da, eta horien ondorioz, hil egin da.
Hildakoaren motorra, Galdamesen. Argazkia: Bizkaiko suhiltzaileak
Twitterren eta Facebooken dituen kontuetan, Segurtasun arduradunak "urte oso gogorra" izan dela hau motorzaleentzat aipatu du. Lehendakariordeak emandako datuen arabera, Euskadin 136.700 motor baino gehiago daude, hau da, ibilgailu guztien % 10.
"Motorzaleen artean biktima kopurua murriztea da gure helburua, eta, horretarako, sentsibilizazio-kanpainak jarriko ditugu martxan, bide-segurtasuna sustatzeko. Arreta berezia eskaintzen diogu kolektibo ahulenen babesari, motorzaleena kasu " idatzi du Erkorekak.
Ildo horretan, #JarZaitezNireGurpiletan izeneko azken kanpaina aipatu du: "Motozaleak eta beste ibilgailu mota batzuk gidatzen dituzten pertsonak harremanetan jartzen ditu, errepidea leku seguruago bihurtzeko moduari buruz hitz egiteko".
Elkarrizketa horien bidez, gogoeta eragin nahi da "errepidean gehiegizko konfiantza izateak dakarren arriskuaz, motozaleekin lotzen diren estereotipoez, edo gidatzen ari garen bitartean bizitza une batean nola alda daitekeen".
Zure interesekoa izan daiteke
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, axilotuak askotan urratzen zuen urruntze agindu bat zegoen.
Basauriko talde feministek elkarretaratzea deitu dute gaur arratsalderako
Hilketa matxista honen aurrean kalera irteteko eta gaitzespena adierazteko eskatu diete Basauriko Asanblada Feministak eta Emakumeok Bat Koordinadorak herritarrei, "terrorismo matxistaren aurrean" mobilizazio soziala funtsezko tresna dela ziurtatuta.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.
Ekain Perrino: "Gorroto-delitua dela onartu da, baina 2 urteko espetxe zigorra ez da ezer"
Justiziak Ekain Perrinok 2021ean Basaurin jasandako eraso homofoboaren egile gehienak zigortu ditu. Hamaika egileetatik hamarrek bi urteko espetxe zigorra jaso dute, osotasun moralaren aurkako delituagatik; hamaikagarrenari, berriz, 14 hilabeteko kartzela zigorra eta zortzi hilabeteko isuna ezarri diote. Perrino pozik agertu da gorroto-delitua onartu duelako epaileak, 2 urteko espetxealdia ez dela nahikoa adierazi du.