Nafarroak astebete luzatuko ditu egungo covid-19aren aurkako neurriak
Nafarroak, "zuhurtzia"gatik, astebete luzatuko ditu gaur egun indarrean dauden murrizketak, nahiz eta lurralde arteko kontseiluak malgutzea aztertu.
Horixe jakinarazi du Santos Indurain Osasun kontseilariak, Nafarroak, osasun eta datu epidemiologikoetan oinarrituta, ibilbide propioari eutsiko diola gogorarazi aurretik.
Hori horrela, hilaren 17an neurriak arinduko dituztela espero omen dute, eta udari begira beste arau sorta bat onartu nahi dute, uztailean eta abuztuan indarrean izateko, baina aldatzeko aukerarekin.
"Nafarroa ibilbide propioa jarraitzen ari da", adierazi du, baina zehaztu du eragina duela gobernantza partekatuak ere, Osasun Ministerioarekin "gutxieneko akordioetara" iritsita "neurrietan batasun maila bat lortu eta horrela eraginkortasuna irabazteko eta herritarren aurrean diskurtsoa indartzeko".
Puntu horretan, gutxieneko irizpideetan ahal den adostasun maila handiena lortzea aldarrikatu du, gero erkidegoek errealitate propiora egokitu ahal izateko, eta Nafarroaren kasuan, Gobernuak "sendotu" egin nahi du lortutakoa, eta horregatik "alerta eta arrisku mailaren" arabera "malgutu".
Nafarroa arrisku ertain eta baxuaren artean dagoela zehaztu du Indurainek, 14 eguneko intzidentzia metatua 133koa delako 100.000 biztanleko, eta 55ekoa azken 7 egunak kontuan izanda.
Neurriak
Hori horrela, ostalaritza lokalak 23:00k arte ireki ahal izango dituzte, barrualdean edukieraren % 30a gehienez, eta % 100a kanpoan, segurtasun distantzia zainduta.
Aurreko astearen aldean, berritasun nagusia da merkataritza eremu ertain eta handietan % 40tik % 50era igo dutela gehienezko edukiera, eta 15 pertsona elkartu ahal izango dira zuzendutako jarduera fisikoan.
Zure interesekoa izan daiteke
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.
Muskilen festa egin dute lehen aldiz Iruñean inauteriak iragartzeko, Kaldereroen ordez
Duela sei urte hasi zuten Iruña Taldeko kideek festa aldatzearen beharraren inguruko hausnarketa, ijito komunitatearen ezerosotasunetik abiatuta. Muskilak sortu dute, izena eta janzkera aldatuz, baina festaren egitarauari eutsiz.