Kasedako hilketaren bi egileei espetxe iraunkor berrikusgarria ezarri diete
Nafarroako Auzitegiaren Bigarren Sekzioko epaileak espetxe iraunkor berrikusgarria ezarri die Kasedako (Nafarroa) hilketa hirukoitzaren bi egileei. Lehen aldia da Foru Erkidegoan kondena hori, Zigor Kodean jasotako gogorrena (2015ean erantsi zuten), ezartzen dutena.
Herri-epaimahaiak errudun jo zituen hilketengatik auzipetutako hiru gizonetatik bi (hirugarrena errugabetu zuen), eta hori oinarri hartuta eman du epaia magistratuak. Epaia ez da irmoa, eta helegitea aurkez daiteke Nafarroako Auzitegi Nagusiko Arlo Zibileko eta Zigor Arloko Salan.
Epaiaren arabera, Juan Carlos J. J.k, hots, eskopeta tiroen egileak, 20 urteko kartzela zigorra bete beharko du Fermin Jimenez Echeverria (51 urteko aita) hiltzeagatik, 20 urteko beste kartzela zigor bat Cristian Jimenez Echeverria (16 urteko semea) hiltzeagatik, eta espetxe iraunkor berrikusgarria Jose Antonio Jimenez Echeverria (29 urteko beste semea) hiltzeagatik.
Errudun jotako beste zigortuari, Emilio J. J.ri, Juan Carlos aitari eskopeta ematea egotzi dio, eta, horrenbestez, 15 urteko espetxe zigorra jarri dio lehen hilketa bakoitzagatik eta espetxe iraunkor berrikusgarria, berriz, hirugarren hilketagatik.
Zigor Kodearen 2015eko erreformak jasotzen duenez, bi pertsona baino gehiago hiltzeagatik zigortutakoari ezarriko zaio espetxe iraunkor berrikusgarria. Hain justu, Kasedako auzi honetan, hirugarren hilketagatik ezarri du epaileak zigor hori.
Kartzela zigorrak ezartzeaz gain, biktimen senitartekoei 916.247 euroko kalte-ordaina ematera kondenatu ditu epaileak.
Bi gizonek gutxienez 22 urte bete beharko dituzte kartzelan hirugarren gradura igaro aurretik, eta gutxienez 30 urte eman beharko dituzte kartzelan baldintzapeko askatasuna eskuratzeko.
Aipatu bezala, epaimahaiak hilketa delitutik salbuetsi zuen hirugarren akusatua (Juan Carlos J. J., semea). Lesio delitu arina egotzi zion, eta, hori dela eta, 240 euroko isuna ezarri dio epaileak.
Hilketak, "hoztasunez eta zehaztasunez eginak"
Epaileak frogatutzat eman Juan Carlos J. J. aitak "jakitun zela, borondate osoz, hoztasunez eta zehaztasunez" egin zituela hilketak, eta horren erakusle da "eskopetaz egindako lau tiroek bete-betean jo zituztela biktimak, punteria guztiarekin".
Emilio J. J., tiroen egilearen semea, hilketen ezinbesteko laguntzaile izan zela uste du epaileak. "Eskopeta ateratzeko aginduari men egin zion, eta bazekien kargatuta zegoela", epaiaren arabera. Aitak semearen eskuetatik hartu zuen arma.
Horren aurrean, euren burua defendatzeko aukerarik gabe geratu ziren biktimak, eta, horrenbestez, azpikeria frogatutzat eman du epaileak.
Zure interesekoa izan daiteke
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.
Euskaraz bizitzeko eskubidea aldarrikatu eta EHEko lau ekintzaileren aurkako epaiketa salatu dute dozenaka lagunek Baionan
Euria eta hotza egin badu ere, 200 euskaltzale batu dira protestara datorren ostegunean epaituko dituzten Euskal Herrian Euskarazeko lau kideei babesa emateko.
Adingabe bat atxilotu dute Getxon, beste gazte bati lepoan labankadak eman eta larri zauritzeagatik
Ertzaintzak jasotako testigantzen arabera, 01:00ak aldera, hiru gazte Areeta auzoko parke batean zeuden banku batean eserita, erasotzailea eurengana joan eta oldartu zitzaienean. Higu gazteek korrika alde egin zuten baina bat harrapatu eta zauritu egin zuen.
Kamioi batek A63 autobian izandako istripuak auto-ilara luzeak eragin ditu Donibane Lohizune parean
Ibilgailua irauli egin da, eta ondorioz zama galdu du. Errepidea erabat itxi dute eta 6 kilometrora arteko ilarak sortu dira, baina 19:15ean errei bat ireki dute bertan hiru orduz geldirik egon diren ibilgailuak pasatzeko. Ondoren, berriro itxi dute bidea, kamioia bertatik kendu ahal izateko.
Gizon bat atxilotu dute Errenterian beste gizon bat labanaz hiltzen saiatzea egotzita
Ertzaintzak atzo atxilotu zuen 36 urteko gizasemea, baina gertakariak hilaren 12an jazo ziren, Gipuzkoako udalerri horretako lokal batean. Biktima, 21 urtekoa, ospitaleratu egin behar izan zuten, zauri larriak baitzituen.
Osasun sailburuaren arabera, iraungitako txertoen kasuak "ESI batean edo bitan izan dira, Donostialdekoan tartean"
Alberto Martinezek ETBn egindako elkarrizketa batean azaldu duenez, pertsona batek "bere lana egin beharko lukeen modura egin ez duela ondorioztatzen bada, horren ardura hartu beharko luke, zalantzarik gabe". Sailburu gisa, ahal den neurrian, horrelako akatsak ez direla berriro jazoko bermatu behar duela nabarmendu du, hori baita bere "ardura".
Euskal eskola publikoen "itxierak eta bat-egiteak" itunpeko ikastetxeei "artifizialki eusteko" direla salatu du Sumarrek
Sumar Mugimenduak, Ezker Anitza-IUk eta Berdeak Equok "Hezkuntza publikoaren aldeko frontea" ekitaldia egin dute larunbat honetan Santurtzin, EAEko hezkuntza publikoaren egoera aztertzeko.