Osakidetzak txertaketa prozesua bizkortu du, egunean batez beste 30.000 dosi jarrita
Txertaketa-prozesuak azkartzen jarraitzen du Euskal Autonomia Erkidegoan. Osasun Sailaren arabera, Osakidetzak egunero 30.000 dosi inguru jartzen ditu, eta hori pandemiaren intzidentziaren atzerakadan antzematen ari da.
Eusko Jaurlaritzako Kontseiluaren bileraren osteko prentsaurrekoan Gotzone Sagardui Osasun sailburuak azaldu duenez, txerto sorta handiago baten iritsierarekin, kanpainak mugarri berriak ezartzen jarraituko du aste honetan. Gaurko datuen arabera Euskadin 16 urtetik gorako biztanleria osoaren % 62,6k lehen txertoa jaso du eta % 42,3k bi dosiak hartu ditu. Horrela, aste honetan Pfizerren 141.570 dosi jasotzea espero dute, Astrazenecaren 23.900, Jansen etxearen 6.200 eta Modernaren beste hainbat, oraindik zenbatekoa zehaztu ez bada ere.
60-69 urte bitarteko taldearentzat ere aste garrantzitsua da, immunitate osoa lortzeko bigarren dosia jasotzen hasi baitira. 45-40 urteko pertsonei dagokienez, berriz, kolektiboaren % 68k jaso du dosi bat gutxienez.
Horrek guztiak 40 urtetik beherakoen zitaziora jauzi egitea ahalbidetu du. Datorren astean hasiko dira 30 urtetik gorako pertsonak lehenengo txertoa hartzen.
50-59 bitarteko taldeari buruz galdetzean, Sagarduik argitu du Osakidetza harremanetan jartzen ari dela SMSei erantzun ez dieten adin tarte horretako pertsonekin, eta osasun-zentroetara joateko gonbita egin die, osasun-langileen deia jasotzen ez badute hitzordua eskatu ahal izateko.
Halaber, Sailburuak jakitera eman du, sinadura elektronikoa erabili beharrik gabe immunizazioa egiaztatzen duen ziurtagiria eska daitekeela, Europar Batasuneko herrialdeetatik mugitzea ahalbidetuko duena.
Aldaera delta edo indiarren eraginaren inguruan galdetuta, 79 kasu atzeman direla eta oraingoz "ez da kezkatzeko moduko aldaera" Euskadin azaldu du Sagarduik, eta Brasilgo anduiaren 641 kutsatze, Hegoafrikakoaren 166 eta Nigeriakoaren 13 zenbatu dituztela ere argitu du. Hala ere, Osasun Sailak egon daitezkeen aldaketei adi jarraitzen duela azpimarratu du.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP8ko auto-ilarak Orioko zubian, baina errei batek itxita jarraitzen du Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.