Covidaren aurkako txertoen bi dosiek aldaera berrietatik babesten dute
Hamar astetan lehen aldiz gora egiten ari dira nabarmen koronabirus kasuak azken egunotan Europan. Hori dela eta, Erresuma Batuak atzeratu egin du deseskalatzea, adibidez, eta Portugalek etxeratze-agindua ezarri du berriro.
Nahiz eta txertaketa erritmoa hartzen ari den kontinentearen zati handi batean, aldaera berrien aurrean duen eraginkortasuna kezka iturri da oraindik. "Jatorrizko" birusaren hainbat mutazio daude zirkulazioan eta kasu gehien lauk eragiten dituzte: Alfak (jatorria, Erresuma Batuan), Betak (jatorria, Hegoafrikan), Gammak (jatorria, Brasilen) eta Deltak (jatorria, Indian). Azken hori munduko 98 herrialdetan atzeman dute jada, eta bereziki kezkatzen du hedatzeko duen erraztasunak.
Tedros Adhanom Ghebreyesus Osasunaren Mundu Erakundeko (OME) zuzendari nagusiak atzo bertan azaldu zuenez, Delta aldaeraren zabalpen azkarraren ondorioz, pandemia une "oso arriskutsuan" dago mundu osoan eta txertaketa-tasa baxuak dituzten herrialdeetan "ospitaleetan egoera ikaragarriak bizitzen" ari dira. "Osasun publikoko neurriak etengabe ebaluatzearen eta egokitzearen" alde agertu zen, eta maskara erabiltzea, urruntze fisikoa bermatzea eta kasu susmagarrien kontaktuen jarraipena ondo egitea ezinbestekoak direla gogorarazi zuen.
Catherine Smallwood OMS-Europako Larrialdi Zerbitzuetako arduradunak, bestalde, herritarrei pauta osoa lehenbailehen jartzearen garrantzia azpimarratu zuen: "Ez lirateke neurri sozialak arindu behar gero eta kutsatze gehiago dauden garaian, baina egiten bada, osasun-neurriak indartu behar dira: test gehiago, kontaktuen jarraipen handiagoa eta jendea txertatu, txertatu eta txertatu".
Izan ere, ebidentzia zientifikoen arabera, Pfizer-BioNTech eta AstraZeneca formulek, adibidez, Delta aldaeraren aurka "bikain" funtzionatzen dutela esan zuen. Hori bai, dosi bakarrarekin babesa murriztu egiten dela.
EMAk berak ekainaren erdi aldera eskatu zuen AstraZenecaren bigarren dosiaren zain zirenei aurreratzeko, pauta osoa lehenbailehen izan dezaten. Nafarroako Gobernuak, esate baterako, hori egitea erabaki du.
Zure interesekoa izan daiteke
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.