Pfizerrek txertoaren hirugarren dosi bat baimentzea eskatuko du, babesa handiagoa izateko
Covid-19aren aurrean babes handiagoa lortze bidean, Pfizer eta BioNTech konpainiek baimena eskatuko diote Ameriketako Estatu Batuetako Elikagaien eta Botiken Administrazioari (FDA) txertoa indartzeko hirugarren dosi bat injektatzeko.
Ohar bidez, enpresa biek esan dute errefortzuko txertoaren proba batean "datu pozgarriak" ikusi dituztela, eta gaineratu dute bigarren dosia hartu eta sei hilabetera bost edo hamar aldiz antigorputz neutralizatzaile gehiago ematen dituela.
Horren harira, baina, hainbat adituk jakinarazi dute AEBetako hedabideetan enpresa farmazeutikoak "diru-etekinak" bilatzen ari direla errefortzuko botikak garatuta, eta, horrela, gobernuek dosi gehiago eros ditzaten bideratuta. Halaber, AEBetako osasun-arduradunek zehaztu dute oraindik ez dagoela argi errefortzuko txertoa beharrezkoa den edo ez.
Pfizerrek iragarpena egin ondoren, FDAk eta Gaixotasunak Kontrolatzeko eta Prebenitzeko Zentroak adierazpen bateratu bat kaleratu zuten bart, non esaten duten, besteak beste, ez dela beharrezkoa, momentuz, indartze-txerto bat. "Txerto biak jaso dituzten estatubatuarrek ez dute indartze-txertorik behar", esan dute agentziek, eta gaineratu dute "zientzian oinarritutako prozesu zorrotz batean" sartuta daudela, halakorik beharrezkoa den ala ez erabakitzeko.
Hala ere, Pfizerrek txertoarekin Israelen lortutako emaitzei buruzko datuak eman ditu, eta, Israelgo Osasun Ministerioaren arabera, txertoaren eraginkortasuna gutxitu egin da hori hartu eta sei hilabetera, baina "gaixotasun larriak prebenitzeko eraginkortasuna handia da oraindik".
Delta aldaeraren aurreko babesa
Anthony Fauci AEBetako gaixotasun infekziosoetan aditu nagusiak berretsi duenez, Pfizer eta Moderna txertoen bi injekziok delta aldaeraren aurka ere babesten dute.
Hala ere, delta aldaerari aurre egiteko, txerto berezi baten entsegu klinikoak abuztuan hasteko prestatzen ari direla azaldu du Pfizerrek, beharrezkoa izango balitz, baina hirugarren dosia aukerarik onena izan daitekeela zehaztu du.
Stella Kyriakides Europako Osasun komisarioak ostiral honetan esan duenez, Pfizerren hirugarren dosi bat beharrezkoa balitz, EB txertoa eskuratzeko prest legoke, baina erabakiak zientziaren bermea beharko lukeela erantsi du.
Bestalde, Sendagaien Europako Agentziak (EMA) ziurtatu duenez, covid-19aren aurkako txertoen hirugarren dosi bat beharrezkoa den "baieztatzeko goiz da", babesaren benetako iraupena kalkulatzeko "datu nahikorik ez dagoelako".
EMAko iturri batek adierazi duenez, "oraingoz txertaketa kanpainen eta ikerketen datu nahikorik ez dago" txertoen babesak "zenbat iraungo duen jakiteko"; beraz, hirugarren dosi baten beharraz hitz egiteko "goiz da".
Zure interesekoa izan daiteke
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela deitoratu du Amaya Zabarteren senarrak
Epaileak Amaia Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa bakarrik izan duela kontuan, lekukoek ziotena eta frogak alde batera utzita. Kasua auzitegi probintzialera iristen denean jarri du itxaropena, orduan espero baitu benetako justizia iristea.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko duena.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaera mantendu du adingabeei sexu-mesedeak eskaintzeagatik epaitutako Irungo irakaslearentzat
Defentsak, bere aldetik, akusatuaren absoluzioa eskatu du, irakasleakustezko biktimekin "adiskidetasun" harremana soilik zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.
Gizon bat atxilotu dute eta hiru adingabe ikerketapean dituzte, irakasleen kontuetara iruzur eginez sartzeagatik
Ikerketapean dauden adinez txikikoak Tuterako ikastetxe bateko ikasleak dira, eta atxilotua, berriz, Iruñean atxilotu dute.
Metak 375 milioi dolarreko isuna ordaindu beharko du, haurren esplotazioagatik eta erabiltzaileen segurtasuna urratzeagatik
Mexiko Berriko fiskalaren arabera, enpresak adingabeengana heltzeko ia mugarik gabeko sarbidea ematen zien “harrapari sexualei”, eta horri esker biktimekin harremanetan jartzen ziren.