EHUk 2021-2022 ikasturteko matrikula epea ireki du
Euskal Herriko Unibertsitateak gaur, uztailak 19, ireki du 2021-2022 ikasturtean gradu ikasketak hasiko dituzten ikasleentzako matrikula epea. Guztira 18.498 pertsonak egin zuten aurrematrikula, iaz baino bi mila gehiagok; ondorioz, gutxieneko notak, orokorrean, igo egin dituzte.
Lehen matrikula epea ostegunera arte, uztailaren 22ra arte, egongo da zabalik. Horretarako, interesatuek gradua egingo duten EHUko ikastegira jo beharko dute matrikula egiteko.
Unibertsitateak berak jakitera eman duenez, hauexek dira mozketa-nota altuenak dituzten hamar graduak:
| Fisika + Ingeniaritza Elektronikoko Gradu Bikoitza | 13,348 |
| Biokimikako eta Biologia Molekularreko Gradua | 13,236 |
| Medikuntzako Gradua | 13,065 |
| Bioteknologiako Gradua | 12,946 |
| Double Bachelor´s degree in Business and Economics | 12,934 |
| Medikuntzako Gradua (euskaraz) | 12,934 |
| Farmazia + Giza Nutrizio eta Dietetikako Gradua | 12,884 |
| Fisikako Gradua | 12,840 |
| Politika Zientzia eta Kudeaketa Publikoa + Soziologiako gradu bikoitza | 12,832 |
| Matematikako Gradua | 12,739 |
Zelan egin matrikula?
Batxilergotik datozen ikasleak izango dira lehenak matrikula egiten, baita 25-45 urtetik gorakoak, Goi Mailako Heziketa Zikloetakoak eta lan-esperientzia dutenak eta titulatuak ere.
Matrikula egiteko lehen epea uztailaren 19a eta 22a bitartean izango da, eta, ondoren, uztailaren 26an eta 27an, bigarren deialdian deitutakoak matrikulatuko dira; hirugarrenean deitutakoek, aldiz, uztailaren 29an izango dute matrikula egiteko aukera. Azken bi deialdi horietan aurreko zerrendan libre geratu diren plazak esleituko dituzte. Ondoren, irailean, beste hiru deialdi egingo dira.
Zure interesekoa izan daiteke
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.