500 kasutik jaitsi da intzidentzia-tasa metatua EAEn
19 egunez jaitsi ondoren, 100.000 biztanleko 14 eguneko intzidentzia-tasa metatua 500 kasutik jaitsi da Euskal Autonomia Erkidegoan; hala ere, gaixo kritikoen kopuruak gora egin du berriro asteazken honetan; izan ere, 78 gaixo daude ZIUetan, aurreko egunean baino hiru gehiago.
Intzidentziaren jaitsiera nabarmenena Gipuzkoan izan da, 400 kasutik behera (398 kasu) egin baitu. Araban eta Bizkaian ere behera egin du, baina 500 kasutik gora dago oraindik: 516 Araban eta 513 Bizkaian.
Osasun Sailak argitaratutako azken buletinaren arabera, Euskal Autonomia Erkidegoan 702 positibo berri erregistratu dituzte, aurreko egunean baino 46 gutxiago.
34 pertsona ospitaleratu dituzte azken orduetan, baina gela arruntetan 241 gaixo daude, 15 gutxiago. Hala ere, zainketa intentsiboetako unitateetan 78 pertsona daude, egun bat lehenago baino hiru gehiago.
Asteazkenean, 7.268 test diagnostiko egin dituzte, eta 119 positibo atzeman dituzte Araban, 414 Bizkaian, 153 Gipuzkoan eta 16 Euskaditik kanpo bizi diren pertsonen artean. Egindako probekin alderatuta, positiboen tasa % 9,7koa da.
Birusaren birsorkuntza-indizea bi ehunen jaitsi da EAEn, 0,89ra. Jaitsiera handiena Araban izan da, 0,95ean kokatu baita, astebetean 1etik gora egon ostean. 0,91tik 0,87ra egin du behera Gipuzkoan, eta 0,87an jarraitzen du Bizkaian.
Albiste gehiago gizartea
Auto erakustaldi bateko hainbat zaletu harrapatuak izan dira Galdakaon
Ezbeharra Urreta auzoko San Juan jaietan gertatu da. Zaurituak Galdakaoko ospitalera eraman dituzte baina gehienak arin zaurituta daude, lehen informazioen arabera.
Oraindik ere ikusten da ostiraleko sutearen ke arrastoa Gasteizko LEA-Lascaray enpresan
Gasteizko LEA-Lascaray enpresaren atarian hau da gaurko irudia. Oraindik ke arrastoa ikus daiteke, ostiraleko zoritxarreko sutearen ondorioz. Sugarrak kontrolpean dituzte, baina guztiz amatatu gabe daude oraindik. Enpresa erabat suntsituta geratu da, baina jabeek berreraiki egingo dutela jakinarazi dute.
Nico Williamsen irudia ezabatu dute ezezagunek, Barakaldon margotu zieten muraletik
Pintaketa bat agertu da Athleticeko jokalaria agertzen zen espazioaren gainean: "Joan edo geratu, errespetua galdu duzu". Bartzelona Futbol Klubaren balizko fitxaketarekin lotuta egon daiteke erasoa. Muralaren egilea oso haserre agertu da eta Athleticetik adierazi dute "Carlos Lopezen muraletik Nico Williamsen irudia ezabatu dutenek" ez dutela "Athletic ordezkatzen".
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.