Iazko babes-neurriekin ekin diote ikasturte berriari Ipar Euskal Herrian
Irailak bi dituen honetan, Ipar Euskal Herriko umeek eta gazteek ikasturte berriari ekingo diote gaur, covid-19ari aurre egiteko protokolo zaindu batekin. Oro har, joan den ikasturte amaierako neurriei eutsiko diete, baina, arduradunek iragarri dutenez, aldaketak izan daitezke unean uneko egoera epidemiologikoaren arabera.
Protokoloaren bigarren mailan hasiko dituzte klaseak Lapurdin, Nafarroa Beherean eta Zuberoan. Horrela, eskolak aurrez aurrekoak izango dira maila guztietan. Hala ere, iaz bezala, ezingo dira nahasi maila ezberdinetako ikasleak, eta maskara nahitaezkoa izango da sei urtetik gorako neska-mutilentzat.
Ikasle edo irakasleren batek koronabirusarekin kutsatu eta positibo ematen badu, protokoloa desberdina izango da eskola edo ikastetxearen arabera. Haurtzaindegi eta eskoletan, kasu bat nahikoa izango da ikasgela astebetez itxi eta klaseak telematikoki jarraitzeko. Kolegio eta lizeoetan, aldiz, txertatuta ez dauden kontaktuak soilik bideratuko dituzte etxera; immunizatuta daudenek, berriz, aurrez aurre jarraitu ahalko dituzte klaseak.
Gaur egun, lau nerabetik hiruk jaso dute lehenengo dosia. Hala ere, Frantziako Gobernuak iragarri du txertaketa bultzatuko dutela ikastetxeetan, baina oraindino ez dute zehaztu zelan egingo duten.
Albiste gehiago gizartea
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.