EAEko etxebizitzen % 52k dute ordainpeko telebista, iaz baino % 10 gehiagok
EAEko etxebizitzen erdiek baino gehiagok (% 52,4) ordainpeko telebista dute; iaz baino 91.100 familia (% 10) gehiago dira. Horrek esan nahi du 198.000 herritarrek baino gehiagok (% 58) zerbitzu hori dutela etxean.
Hala erakusten du Eustat Euskal Estatistika Erakundeak informazioaren gizarteari buruz egindako inkestak, informazioaren teknologien arloan EAEko gizartearen erabilera eta ohiturak aztertzen dituena.
Inkestaren arabera, azken hiru hilabeteetan 1.602.600 pertsona konektatu dira Internetera, etxean, lantokian edo beste lekuren batean; 15 urtetik gorako biztanleen % 84,9 dira, iaz baino 2,3 puntu gehiago.
Erabiltzaileen % 98,3k gaztelania erabiltzen dute nabigatzeko lehentasunezko hizkuntza gisa. Euskararen eta beste hizkuntza batzuen erabilerak behera egin du iazko datuekin alderatuta. Zehazki, euskara hizkuntza lehenetsi gisa dutenen kopurua (13.900 pertsona) % 1,6 jaitsi da, eta konexioen % 23,1ean erabiltzen da.
Aurreko urteetan bezala, 65 urte baino gehiagoko biztanleen artean igo da gehien (% 7,3) Internet erabiltzaileen kopurua; beraz, aurten talde horretako biztanleen ia erdiek (% 49,3) erabiltzen dute sarea. Hala eta guztiz ere, datu horiek oso urrun daude gainerako adin-taldeetako kopuruetatik, % 90etik gorako datuak baitituzte guztiek; 45 urtetik beherakoen kasuan, esaterako, ia biztanle guztiak dira Internet erabiltzaileak.
Ikasle ia guztiak (% 99,7) Internet erabiltzaileak dira, baita biztanle landunen % 98,7 eta biztanle ez-aktiboen eta langabeen % 65,6 ere; azken horiek, aurreko aldiarekin alderatuta gehien handitu diren kolektiboak izan arren (5,2 puntu), oso urrun daude gainerakoetatik, % 33tik gorako aldearekin.
Aurtengo lehen hiruhilekoko datuen arabera, 788.000 familiak (% 87,4) etxean Interneterako sarbidea dute, iaz baino 24.200 familia (% 2,3) gehiagok, alegia. Gainera, erabiltzaile gehienak etxetik konektatzen dira sarera, hala egiten baitu erabiltzaileen % 98,3k.
Seme-alabak dituzten familien % 98,5ek dute etxean Interneterako sarbidea, bakarrik bizi diren pertsonek osatutako familiek baino ia 25 puntu gehiago (% 73,6).
Gainera, autonomia erkidegoko etxeen % 74,3k dute ordenagailua; ehuneko hori % 91,8koa da seme-alabak dituzten familien kasuan, eta % 53,9koa pertsona bakarreko familien kasuan.
Familien % 97,2k dute telefono mugikorra, eta 15 urtetik gorako biztanleen % 98,5ek dute halako gailu bat. Seme-alabak dituzten ia familia guztietan (% 99,8) dago halako bat, bakarrik bizi diren bikoteen kasuan % 97,8k dute eta bakarrik bizi diren pertsonen % 92,9k dute.
Zure interesekoa izan daiteke
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Gizon batek bikotekidea hil du Pontevedran
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen ari da atera dadin.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.
Manteroen kontrako "poliziaren esku-hartze bortitza" salatu dute dozenaka lagunek Bilbon
Mbolo Moye Doole eta Manteroekin bat! plataformek deituta, ostegunean Ertzaintza eta Udaltzaingoa manteroen aurka indarkeriaz aritu zirela salatu dute. Horien esanetan, "ez da gertaera isolatua izan", hilero jazotzen baitira halakoak.