Sexu-abusuaren biktima diren adingabeei laguntzeko eredu berri bat jarriko du martxan Jaurlaritzak
Beatriz Artolazabal Berdintasun, Justizia eta Gizarte politiketako sailburuak iragarri duenez, Barnahus izeneko proiektu pilotu bat jarriko dute "berehala" martxan Euskadin, sexu-abusuen biktima diren adingabeei laguntza integrala emateko. Proiektua Islandian sortu zen eta Save The Childrenen eskutik itsi da Euskadira.
"Save the Children erakundeak eta erakundeetako talde teknikoek urtebete lanean eman ondoren, hilabete barru beste urrats bat emango dugu", azaldu du Artolazabalek asteazken honetan Lakuan egin den Haur eta Nerabeen Arretarako Batzorde Iraunkor Sektorialaren bileran. "Barnahus eredua euskal errealitatera egokitzeko txosten zehatza aurkeztuko dugu jardunaldi tekniko batean, azaroaren erdialdean", gaineratu du.
Barnahus sexu-abusuen biktima diren adingabeei laguntzeko eredu berri bat da, eta kasu horretan esku hartzen duten sail guztiak, judizialak zein sozio-sanitarioak, leku berean biltzea du helburu. Horrela, biktimek bizi izan dutenaren lekukotza zehatza eta osoa eman ahal izango dute, polizia-etxe eta ospitaleetatik urrun.
Horretarako, Haur eta Nerabeentzako Sexu Abusuen Arloko erakundeen arteko eta sailen arteko lantalde tekniko bat sortu da. Talde horrek Save The Childrenen dinamizazioa dauka, UPV/EHUko Psikologia Fakultatearekin lankidetzan. Asmoa diagnostiko bat eta kalitate-proposamen batzuk egin ahal izatea da, Barnahus eredua Euskadiren ezaugarrietara eta berezitasunetara egokitzeko.
Lege-aurreproiektua eta estrategia
Barnahusekin batera, Haurrak eta Nerabeak Zaintzeko Batzorde Iraunkor Sektorialak Haurrak eta Nerabeak Babesteko Legearen aurreproiektuaren azken xehetasunak partekatu ditu, eta laster hasiko dira Eusko Legebiltzarrera iristeko izapideak. Lege honen helburua da adingabeak eskubideen titular gisa onartzeko bidean aurrera egitea, ez bakarrik babesa merezi duten subjektu gisa.
Haur eta nerabeentzako indarkeriaren aurkako euskal estrategia ere izan dute hizpide bileran. Ainara Canto EDE Fundazioko Aholkularitza eta Gizarte Ikerketako arduradunak azaldu duenez, "prozesu parte-hartzaile baten aldeko apustua egin da, eta, horri esker, Euskadiko haurren eta nerabeen ongizatean eragina duten eragile askoren ekarpenak jaso dira".
Estrategia horrekin euskal erakundeak indarkeria mota guztiak prebenitzeko prestatuago egotea nahi da, bai eta goizago detektatzeko eta indarkeria egoeretan goiz esku hartzeko ere.
Zure interesekoa izan daiteke
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.