Gorenak Pozoblanco auziko frogak babestu eta La Manadaren zigorra ez du berriro aztertuko
2016an, Pozoblancon (Kordoba), egindako sexu-abusuengatik La Manadako lau kideren zigorrak berriz aztertzea baztertu du Auzitegi Gorenak, helegiteek baldintzak betetzen ez dituztelako eta Lurralde Auzitegiak onetsi zuen bideoa zalantzan jartzen dutelako.
2016ko uztailean, Iruñean, gertatutako bortxaketaren harira, Gorenak akusatu bakoitzaren espetxealdia 15 urtera igo zuen. Oraingoan, aldiz, ez du Pozoblancoko abusuen epaia berriz aztertuko. Erasoa 2016ko maiatzean gertatu zen.
La Manadako lau kideri (Alfonso Jesus Cabezuelo, Jose Angel Prenda, Antonio Manuel Guerrero eta Jesus Escudero) 2 urte eta 10 hilabete eta lau urte eta erdiko espetxe-zigorrak ezarri zizkieten.
Gai penaletarako aretoak ekainean hartu zuen erabakia, baina gaur jakinarazi dute. Defentsaren helegiteak ez ditu onartu, ezta herri akusazioarenak ere, "kasazio interesik" ez dutelako.
Nahiz eta alegazioen muina ez aztertu, Gorenak Kordobako Auzitegiaren jarduna babestu du hein handi batean. Hark instrukzio-epaitegiaren sententzia baieztatu zuen.
Helegiteetako batek gertakarien bideoari egiten dio erreferentzia, taldekideetako batek grabatua. Zigortuek froga baliogabe uztea eskatu zuten, ez zelako Poliziaren "aurkikuntza" izan, akusatuek poliziei mugikorrak entregatu zizkietelako, Iruñeko bortxaketa argitzeko.
Intimitatearen aurkako delitu bat egiteko "aldez aurretik adostasunik" izan zela defendatzen zuten zigortuek, baina Gorenak azaldu duenez, "guztien parte-hartzearen datu objektiboak" zeudela adierazi zuen Kordobako Auzitegiak dagoeneko, "guztiak paratu zirelako grabaketan". Jose Angel Prendak "gainerako guztien adostasunarekin eta onarpenarekin" grabatu zituen gertakariak, "biktima konorterik gabe zegoen bitartean", gaineratu duenez.
Orain dela gutxi, Prendak Sanferminetako bortxaketa aitortu zuen aurreneko aldiz, nahiz eta epaiketan ukatu, eta biktimari barkamena eskatu zion kartzelatik idatzitako gutun baten bidez.
Era berean, Clara Campoamor Elkarteko akusazioaren helegitea atzera bota du Gorenak. Zigorrei larrigarriak aplikatzea eskatu zuen akusazioak.
Albiste gehiago gizartea
Bittor Arginzonizen Etxebarri erretegiak munduko bigarren jatetxe onena izaten jarraitzen du
Peruko Maido jatetxea munduko onena izendatu dute The World 's 50 Best Restaurants 2025 sarietan. Bestalde, Etxebarri erretegiko Mohamed Benabdallah aljeriarra munduko sommelier onena izendatu dute.
Abadia Saria jaso du Gure Zirkuak
Gure Zirkuak aurtengo Abadia Saria jaso du gaur arratsaldean, Arrateko gainean (Eibar) egindako ekitaldian, komunitate oso bati “elkarrekin euskaraz bizi eta sentitzeko plaza berritzailea” eskaintzeagatik. Eider Mendoza diputatu nagusiaren eskutik jaso dute Abadia Sariaren oroigarria –Iñigo Aristegui Telloren Zazpi Petaloak eskultura– Gure Zirkuko kideek.
Beskoitzek ikastola berria izango du 2026-2027 ikasturtean
Egun dauden prefabrikatuetatik gertu, lursail bat erosi du Beskoitzeko Udalak eta bertako zati bat ikastolarentzat izango da. Herri Urratsen lortutako diruari esker eta Euskal Herri osotik iritsitako elkartasunari esker, Seaskak milioi bat euroko inbertsioa egingo du. Irailean lanak hasiko dira, eta hurrengo ikasturtean hasiko lirateke Beskoitze aldeko 50 haur inguru baldintza duinetan euskaraz ikasten.
Ehgamek Bilbao Bizkaia Harro ekimena boikoteatzeko deia egin du
EAJk Harrotasunaren Nazioarteko Eguna “bereganatu eta turistifikatu" nahi duela salatu du eta E28 Koordinadorak ekainaren 28rako deitutako manifestazio “herrikoi eta aldarrikatzailera” joateko deia egin du.
500 ekitalditik gora antolatu dituzte 2025eko sanferminetarako
Ostegun honetan aurkeztu dute sanfermin jaien egitarau ofiziala, eta iragarri dutenez, hilaren 14an Sorotan Bele talde gipuzkoarrak emango dio amaiera bederatzi eguneko zoramenari, Gazteluko plazako agertokian.
Alerta laranja Araba eta Nafarroa hegoaldean, arratsalderako iragarrita dauden prezipitazio handiengatik
Tenperatura maximoak 27 eta 35 graduren artean kokatuko dira, tokiaren arabera. Arratsaldetik aurrera baliteke ekaitzak jo eta zaparrada trumoitsuak botatzea. Hori dela eta, alerta laranja ezarriko dute Araba eta Nafarroa hegoaldean.
Klima-aldaketaren ondorioak Euskadin: 0,3 °C gehiago hamarkada bakoitzeko, bero-bolada gehiago eta itsasoaren tenperatura gora
Eusko Jaurlaritzak egindako txosten batek ohartarazi du berotze globalak gero eta ondorio handiagoak dituela Euskadin. Tenperaturak etengabe igo dira 1970etik, bero-boladen egunak bikoiztu dira eta itsas mailak erritmo bizkorrean egiten du aurrera. 2023an, itsasoaren batez besteko tenperatura inoizko altuena izan zen.
Nafarroako Unibertsitatea eta EHU, munduko 600 unibertsitate onenen artean
Massachusettseko Institutu Teknologikoak (MIT) lehen postuari eusten dio, hamalau urtez; ostean, Londresko Imperial College eta Stanfordeko Unibertsitatea daude.
Arartekoak Osakidetzan inbertsioa areagotzearen garrantzia azpimarratu du, herritarren kexak ikusita
Ines Ibañez de Maeztuk adierazi du Osasun Itunaren ostean hartuko diren neurrien esperoan dagoela, egoera hobetuko duten itxaropenarekin. "Etxebizitza eskubidea bete egiten dela bermatuko duten politika publikoen aldeko apustu irmoa" ere eskatu du.
Scientia School enpresak Pryconsa konpainiari saldu dio Amara auzoko Karmelo ikastetxea hartzen zuen eraikina
Scientia Schoolek azaldu duenez, 2019an erosi zuen ikastetxea, baina "matrikulen kopuruak behera egin zuen etengabe". "Egoera horrek itxiera ekarri zuen", gogorarazi du.