Bronkiolitis akutuaren kasuak bikoiztu egin dira urrian Euskadin
Lehen mailako arretako kontsultek eta ospitaleetako larrialdi-zerbitzuek bronkiolitis akutuaren kasu asko detektatu dituzte Euskadin; bi urtetik beherakoei eragiten dien arnas infekzioa da, eta "bikoiztu egin da aurreko urteetako data berberekin alderatuta", Osakidetzak jakinarazi duenez.
Gaixotasun horren epidemia urritik martxora izaten da, eta eragin handiena azarotik abendura bitartean izaten da. Hala ere, aurten kasu horiei erantzuteko kontsultak nabarmen ugaritu dira urrian.
Orain arte 700 kontsulta baino gehiago artatu dituzte lehen mailako arretaren eta larrialdien artean, aurreko estazioetan baino bi aldiz gehiago.
Osakidetzak eta Osasun Sailak gorakada hori aurreko denboraldian bronkiolitisak izan zuen eragin "urriarekin" lotu dute, ziurrenik covid-19a ez kutsatzeko neurriengatik, eta "gaur egun gertatzen ari den" erlaxazioarekin.
Horregatik, Osakidetzak bronkiolitisaren kutsatzeen aurkako ohiturei eustea gomendatzen du, covid-19aren aurka babesten duten arretarekin bat datozenak: eskuen higienea, leku itxi jendetsuak saihestea eta haurtxoak arnas sintomak dituzten pertsonekin kontaktuan egon ez daitezen saiatzea.
Bronkiolitisa larriagoa da 6 hilabete baino gutxiagoko haurtxoetan, eta kutsatze-iturri nagusia adineko haurrak dira, askotan anai-arrebak. Hasieran katarroaren sintoma bertsuekin agertzen da, hala nola mukiak, eztula edo sukarra, eta egun batzuen buruan beste sintoma batzuk ager daitezke, hala nola arnasa hartzeko zailtasunak, txistuak edo esne-hartzean eragiten duen nekea.
Gaur egun ez dago gaixotasunerako medikazio eraginkorrik, baina badaude praktika klinikoko gidak diagnostikoari eta tratamenduari buruzko gomendioekin. Osakidetzako zentro guztiek (anbulatorioek zein ospitaleek) asistentzia-ibilbide bat dute, hasiera-hasieratik modu homogeneoan artatzen direla bermatzeko.
Asistentzia-bide horren garapenari esker, tratamendurako beharrezkoak ez diren sendagaien erabilera % 75 baino gehiago murriztu dute. Gaixotasun horren azken gailurrean, 2021eko maiatza eta uztaila bitartean (pandemiaren ondorioz atzeratu zen), botiken erabilera % 10etik behera mantendu zen.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformako bozeramaileak. Garaipena jaigiroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela hemen bukatzen eta ontziola Muruetatik ateratzea izango dela hurrengo erronka.
Gutxienez 8 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez zortzi kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.