Atxilotu dute Barakaldoko taberna batean bi lagun labanaz zauritu dituen gizona
Ertzaintzako agenteek 53 urteko gizonezko bat atxilotu dute Barakaldon, taberna bateko jabeari eta bezero bati objektu zorrotz eta sendoren batekin eraso egitea eta zauri larriak eragitea egotzita.
Bezeroak lokaleko komunetara bultzatu du erasotzailea, eta ihes egitea eragozteko makina bat jarri du atearen kontra. Herriko udaltzainak taberna zaintzen egon dir a Ertzaintzaren Bizkor Unitatea iritsi den arte. Zaurituek ebaki ugari zituzten gorputzean eta Gurutzetako ospitalera eraman dituzte anbulantzian. Erasotzailea ere, behin neutralizatuta, ospitalera eraman dute, atxilotuta.
Barakaldoko Udaltzaingoak 10:30ean eman du abisua, taberna batean eraso bat izan dela eta bi pertsona, jabea eta bezero bat, zauritu direla jakinarazteko. Era berean, erasotzailea establezimenduko komunetan harrapatuta zegoela eta bezeroak hari irteera blokatzeko makina bat jarri diola jakinarazi dute. Udaltzainak taberna zaintzen ari ziren, erasotzaileak ihes egin ez zezan.
Zaurituak artatu eta erietxera eraman dituzten bi anbulantziaz gain, herritarren babeserako Ertzaintzaren patruilak eta berehala erantzuteko patruilak bertaratu dira, bai eta Ertzaintzaren bi negoziatzaile ere.
14:30ak aldera, une oro bainugelaren barruan eta irteteko asmorik gabe egon den erasotzailea indargabetzea lortu dute. Une horretan, agenteek gizona atxilotu eta ospitalera eraman dute.
Ertzaintzak ikerketa abiatu du gertatutakoa argitzeko, eta biktimen deklarazioa, balizko lekukoena eta tokian jasotako frogak ditu, oraingoz, horretarako,
Zure interesekoa izan daiteke
Gizon bat atxilotu dute Toledon bikotekidea hiltzeagatik
Krimena goizaldean gertatu da Alameda de la Sagrako etxebizitza batean.
Guadalajarako La Mierlako suteak 26.000 hektarea erre ditu, kontrolez kanpo jarraitzen du eta Soria aldera zabaltzen ari da
Aragoin, Cinco Villasko (Zaragoza) sutea egonkortuta dago, nahiz eta itzaltze lanetan jarraitzen duten, eta Teruelen sute bat piztu da astelehenean. Gaur bero-bolada datorrenez, sute arriskua oso handia da Iberiar penintsularen ekialde osoan.
Pertsona bat zauritu da Iruñean, PA-30 errepidean bi autok eta kamioi batek talka eginda
07:15ean bi autok eta kamioi batek talka egin dute Iruñeko ingurabidearen 10. kilometroan. Autoetako baten gidaria ibilgailutik atera behar izan dute suhiltzaileek, eta hainbat zauri ditu.
La Mierlako sutea kontrolez kanpo dago eta 26.000 hektarea erre ditu
Tenperatura altuek ez dute laguntzen Espainiako Estatuan piztutako suteak menderatzen; Guadalajarakoak oso bizirik jarraitzen du, 120 kilometroko zabalera hartu du eta, giro lehorrak bultzatuta, okerrera egin lezake.
Open Armsen "Astral" Habanara iritsi da, laguntza humanitarioko zazpi tonako partidarekin
Open Arms gobernuz kanpoko erakundearen Astral belaontzia igandean iritsi zen Habanako portura, Kubako hiriburuko haurren ospitale baterako zazpi tona laguntza humanitariorekin kargatuta. Entregatutako kargamentuan premiazko medikuntza materiala eta osasun-zentroaren energia-hornidura bermatzeko diseinatutako ekipo fotovoltaikoak daude.
Emakume bat labankadaz hil dute Antequerako etxebizitza batean
Gorpua aurkitu baino ordu batzuk lehenago haren bikotekideak bere buruaz beste egin du eta Polizia Nazionala bi gertaerak lotuta ote dauden ikertzen ari da.
Lau atxilotu eta zazpi ikertu Munduko Futbol Txapelketako finalaren ostean izandako istiluengatik
Istiluak izan dira Gasteizen, Donostian, Bilbon, Berrizen eta Berriozarren. EAJk eta EH Bilduk deitoratu egin dituzte, eta PPk eta Voxek "terrorismotzat" jo dituzte.
Sei hilabeteko kartzela zigorra eta isuna ezarri diote kargua lortzeko titulu bat faltsutu zuen Osakidetzako Segurtasun buru ohiari
Kondenatua ez da kartzelan sartuko, epaiak hala ezarrita, betiere bi urtez berriro deliturik egiten ez badu.
Hasi dira Pasaiako zubibide zaharra eta Topoaren geltoki zaharra eraisteko lanak
Lurpeko tren-saihesbide berria inauguratu eta bi egunera ekin dio Euskal Trenbide Sareak egitura eraisteari. Obrak Pasai Antxoko hirigunea biziberrituko du eta 2.800 metro koadro libratuko ditu.
Karabela portugesek 30 lagun ziztatu dituzte asteburuan, eta bost erietxera eraman dituzte
Gero eta ale gehiago ari dira iristen Bizkaiko eta Gipuzkoako kostaldera. Ondorioz, asteburuan hainbat hondartzatan protokoloa aktibatu dute sorospen-zerbitzuek, eta bost pertsona osasun-zentroetara eraman behar izan dituzte.