Maguette Mbeugouren hiltzaileak esan du ez ziola lepoa moztu nahi, borrokan ari zirela gertatu zela
Bara N.-k, Maguette Mbeugouren hiltzaileak, gertakariaren berregitean esan du ez zuela emazteari lepoa mozteko "asmorik", eta bien arteko borroka baten ondorioz gertatu zela.
"Ez nuen asmorik", adierazi du behin eta berri gertakariaren berregitea azaltzen duen ia ordubeteko bideoan, Bizkaiko Auzitegian egiten ari diren epaiketaren 6. saioan ikusi ahal izan denez.
2018ko irailaren 24an emaztea labankadaz hiltzea egozten diote Bara N.-ri. Ollerieta kalean izan zen gertakaria, Bilbon. Gizonak 25 urteko emakumea 2 eta 4 urteko alaben aurrean hil eta ondoren haiekin utzi zuen gorpua.
Maguette Mbeugou lepoa moztuta hil zen 13 zentimetroko zauri "bortitz" baten ondorioz, autopsia egin zuen medikuak atzo adierazi zuenez, eta gutxienez 83 labankada jaso zituen.
Gertakarien berregitean akusatuak azaldu duenez, bi alabekin lo egiten zuen logela batean emakumearekin zituen desadostasun batzuengatik. Aipatu eguneko goizaldeko seietan, emakumea logela horretan sartu eta gizonari sukaldeko labana batekin eraso egiten saiatu omen zen.
Akusatuaren bertsioaren arabera, bera etzanda zegoen, eta borrokan hasi ziren labana kentzen saiatu zenean. Borrokaldi horretan, hiltzaileak ebaki batzuk egin zituen eskuetan, arma lurrera erori zen arte. Akusatuak labana hartu zuenean, mugimendu "indartsua" egin zuen eta lepoan "ebakia" egin zion, bere esanetan.
Hiltzaileak azaldu duenez, haurrak esnatu eta negar egiten hasi ziren, baina soilik emakumearen "erasoa" ikusi zuten, ondoren bertatik joateko eskatu baitzien aitak.
Gero, emakumearen gorpua manta batekin estali omen zuen, logelako atea itxi, eta etxean geratu zen, inorekin harremanik izan gabe. Haurrei ez omen zien logelan sartzen utzi.
Akusatuak esan du ez zela lejiarekin garbitzen hasi, baina "beldurragatik" labanak eta odoleztatutako arropa hartu eta poltsa batean sartu zituela, Atxuriko kontainer batean botatzeko.
Era berean, izututa zegoelako alde egin omen zuen Mutrikura (Gipuzkoa) komisaldegira joan beharrean. Lagun baten etxean harrapatu zuten, leiho batetik ihes egiten saiatzen ari zenean.
Azken ondorioak
Kasu honen epaiketak aurrera jarraituko du astelehenean, eta alde guztien azken ondorioak eta ahozko txostenak aurkeztuko dituzte, herri-epaimahaiaren erabakitzeko epea abiatu aurretik.
Fiskaltzak eta akusazio partikularrak, biktimaren anaiaren izenean, Bilboko Udalak eta Bizkaiko Aldundiak 40 urte inguruko zigorra eskatzen dute akusatuarentzat hilketa, etengabeko tratu txarrak eta adingabeak abandonatzea egotzita.
Defentsak, berriz, homizidio delitu bat izan zela azaldu du, eta horregatik 8 urteko espetxe-zigorra merezi duela.
Zure interesekoa izan daiteke
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko bolantak taldeak dantzan hartu du Korrikaren lekukoa. 126. kilometroa egin duenean izan da, hain zuzen ere, gaueko 04:00ak aldera. Azken urteotako tradizioari eutsi diote, dantzan jarri baitira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.