Fiskalak eta akusazioek frogatutzat eman dute Mbeugouren erailketa eta 44 urtera arteko zigorra eskatu
Fiskaltzak eta akusazioek argi dute: Bara Ndiayek Maguette Mbeugou hil zuen. Epaiketan zehar hori frogatzen duten "froga nabarmenak" egon dira, euren ustez. Hala, 44 urtera arteko kartzela zigor eskaerak egin dituzte.
Mbeugouren hilketa matxistaren epaiketaren beste saio bat izan da gaur Bizkaiko Auzitegiko 2. Sekzioan. 25 urteko emakumea 2018ko irailaren 24a hil zuen ustez Bara Ndiaye senarrak, Bilboko bere etxean, bi eta lau urteko alabak aurrean zirela.
Aldeek euren ondorioak aurkeztu dituzte, eta behin betiko zigor eskaerak egin. Asteartean zinpeko epaimahairen esku geratuko da auzia.
Fiskaltzak 25 urteko kartzela eskaerari eutsi dio. Hitza hartzearekin bat, barkamena eskatu die fiskalak Maguetten senitartekoei. Aitortu duenez, emakumea "pertsona ausarta" izan zen Justiziarengana jo zuelako; sistemak, ordea, "huts egin zuen", deitoratu du.
Fiskaltzaren esanetan, Bara N. "modu bortitzean" hil zuen Maguette, maltzurkeriaz eta ankerkeriaz egindako erailketa leporatzen dizkio, genero eta ahaidetasun astungarriekin.
Familia ordezkatzen duen akusazio partikularrak 44 urtera igo du bere eskaera, alabei eragindako lesio psikologikoei beste zortzi urte gehituta. Hori horrela, Bilboko Udalak (herri akusazioa) egindako eskaerarekin bat dator Jone Goirizelaia abokatuarena. Udalak 25 urteko eskatu ditu erailketa delituagatik, beste hiru tratu txarrengatik, zortzi umeak abandonatzeagatik eta beste zortzi adingabeei eragindako lesioengatik. Udaleko abokatuak nabarmendu duenez, kasu honetan "ez dago biktima bakarra".
Bizkaiko Foru Aldundia ordezkatzen duen abokatuak ere eskaria aldatu du, hilketa barik, erailketatzat jo baitu gertatutakoa. 25 urteko kartzela zigorraz gain, tratu txarrengatik hiru urte eta umeak abandonatzeagatik beste zortzi galdegin ditu. Erantzukizun zibilagatik 900 000 euroko kalte-ordaina eskatu du, gainera.
Defentsak, azkenik, aitortu du gizonak Maguette hil zuela baina bere burua defendatzeko egin zuela argudiatu du. Zortzi urteko kartzela zigorra eskatu du. Abokatuak "ausardia" eskatu die epaimahaiko kideei, eta gizonaren bertsioa sinesteko.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.