Greenpeacek uste du "benetako mehatxua" dela Bruselaren inbertsio berdeen egitasmoa
Greenpeacek esan du "benetako mehatxua" dela "Europako trantsizio energetikoarentzat" Europako Batzordeak egindako azken proposamena, energia nuklearra eta gas naturala energia jasangarriak balira bezala bultzatzea, alegia.
"Datozen hamarkadetan energia toxiko eta garesti horiek sustatzea benetako mehatxua da Europako trantsizio energetikoarentzat", adierazi du Magda Stoczkiewicz Greenpeaceren Europako ordezkariak agiri batean.
Europako Batzordeak aurreko ostiralean aurkeztu zien Europar Batasuneko herrialdeei eta Finantza Iraunkorren Plataformako adituei "taxonomia" deritzonari buruzko proposamenaren zirriborroa, 2050ean neutraltasun klimatikoa lortzea helburu duen trantsizioa bultzatu nahi duena.
Bruselak proposatu du inbertsio iraunkortzat hartzea 2045a baino lehen eraikitzeko baimena duten zentral nuklearrak egitekoak, hondakin erradioaktiboak kudeatzeko eta lantegiak desegiteko egitasmoak izanez gero.
Era berean, 2030era arteko baimena duten gas ustiategietan inbertsioak egiteak ere etiketa berdea izango luke, kWh-ko CO2 isuriak 270 gramotik beherakoak badira.
Stoczkiewiczek esan du neurria "zuritze berderako baimen bat" dela, "enpresa kutsakorrak gustura" egongo direlako "EBren onarpen zigiluarekin, dirua erakartzeko eta planeta suntsitzen jarraitzeko, erregai fosilak eta hondakin erradioaktiboak erretzen".
WWF gobernuz kanpoko erakundeak ere kaleratu zuen ohar bat proposamenak eragiten dion "kezka" adierazteko, neurria "konplexua eta eztabaidagarria" delako.
Europako Batzordeak hilaren 12ra arteko epea jarri die EBko estatuei eta Finantza Iraunkorren Plataformako adituei iritzia emateko.
Europako Kontseiluaren eta Europako Parlamentuaren oniritzia jaso beharko du testuak aurrera egin ahal izateko.
Orain arte, taxonomiak Europako estatuen zatiketa utzi du agerian, eta Frantzia da energia nuklearra iraunkor gisa hartzea nahi duenetako bat, baina Alemania aurka dago, nahiz eta gas naturalari zigilu berdea jartzea onartzen duen.
Espainia, Austria eta Alemania, kontra
Espainiako Gobernuak berretsi du Europako Batzordearen proposamenaren aurka dagoela, "atzerapausoa" eta "mezu okerra" izango litzatekeelako finantza merkatuentzat.
Teresa Ribera Espainiako Gobernuko hirugarren presidenteorde eta Trantsizio Ekologikorako eta Erronka Demografikorako ministroak azpimarratu du ez dutela uste "energia berde edo iraunkorrak" direnik.
Horren arabera, Espainiako Gobernua "taxonomia berdearen defendatzaile sutsua da, 2050ean neutraltasun klimatikoa lortzeko eta ekonomia desikazteko inbertitzaileentzat erreferentzia komunak edukitzeko tresna gisa", baina energia nuklearra eta gas naturala horien parte direla esatea "atzerapausoa" izango litzateke.
Ministroak ohartarazi du ez duela "zentzurik" eta "mezu okerrak" igortzen dituela EBren energia trantsiziorako.
Espainiako Gobernuak aitortu du energia nuklearrak eta gas naturalak badutela zereginik trantsizio horretan, baina "denbora mugarekin". Horregatik, aparte landu behar omen dira, eta ez berde gisa.
Austriako Gobernua eta Alemaniako Alderdi Sozialdemokratako arduradunak, hau da, Alemaniako Gobernuko koalizioko kideak, ere agertu dira jada proposamenaren aurka, eta zirriborroak aurrera eginez gero salaketa jartzeko aukera aipatu dute.
"Plan horiek dauden bezala abiatzen badituzte, salatu egingo ditugu", ohartarazi du Leonore Gewessler Austriako Ekintza Klimatikoko ministroak sare sozialetan.
Matthias Miersch sozialdemokrata alemaniarrak, berriz, esan du Alemaniak "aukera guztiak agortu" beharko lituzkeela "teknologia horiek sustatzea galarazteko"; izan ere, "energia nuklearra ez da iraunkorra eta ez du zentzurik ikuspuntu ekonomikotik", hondakinak biltegiratzea oso garestia delako eta lantegi berriak finantzatzeko aukerarik ez dagoelako, "tartean laguntza handiak" ez badaude.
Zure interesekoa izan daiteke
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.
Espetxera bidali dute Bilboko portuan 120 kilo kokaina zeramatzala atzemandako guardia zibila
Guardia Zibileko agenteak lankide bat ikertzen ari ziren, narkotrafikoarekin zerikusia zuelakoan. Lankide horrek Fiskalaren eta Mugen arloan egiten zuen lan eta aduanetan eta mugako pasabideetan segurtasuna bermatzea zuen zeregin. Guardia Zibileko iturriek baieztatu dutenez, joan den igandean atxilotu zuten 120 kilo kokaina zeramatzala.
Albiste izango dira: Abisu horia elurragatik eta hotzagatik, 50 urte Franco hil zela eta Brouarden eta Muguruzaren hilketen urteurrena
Gaurkoan Orain-en albiste izango direnen laburpena, bi hitzetan.
Santurtziko institutu bateko irakasle baten aurkako jazarpen-kasu bat ikertzen ari da Adingabeen Fiskaltza
Adingabeen Fiskaltzak ikerketa abiatu du, Kantauri institutuko irakasle batek hainbat ikasle salatu ostean, ikasgelan hura grabatzeagatik eta mugikorraren bidez haren irudi bat manipulatu eta zabaltzeagatik.