Lehendakaria: "Osasun-agintariek zehaztuko dute noiz gauden fase berri baten hasieran"
Iñigo Urkullu lehendakariak pandemian jarraitzen dugula gogorarazi du, eta "bizi dugun egoerari garrantzirik ez kentzeko" eskatu du, "egoera larria izaten jarraitzen duelako". Horren harira, "osasun-agintariek zehaztuko dute noiz gauden fase berri baten hasieran", gaineratu du.
Zentzu horretan, lehendakariaren hitzetan, "oraingoz, zorroztasunari eta konpromisoari eustea dagokigu, pandemia honi aurre egiten jarraitzeko".
Iñigo Urkulluk Larrun école basco-française Euskadiko mugaz gaindiko lehen eskolaren inaugurazio ekitaldian parte hartu du gaur goizean Donostian. Eskola horrek murgiltze eredu hirueledun (euskara, frantsesa eta gaztelania) bakarra eskaintzen du EAEn.
Testuinguru horretan, lehendakariak ongietorria eman dio ikastetxe berri horri, "pandemia gure bizitza eta hezkuntza baldintzatzen ari den une bereziki delikatu honetan".
Gainera, Urkulluk agerian utzi du pandemiaren une hauetan hezkuntza presentzialari eusteak duen garrantzia eta erronka, eta hezkuntza-komunitate osoaren lana aitortu du, "ikasgelak leku seguruak izatea ahalbidetzen ari baita".
Zure interesekoa izan daiteke
Fiskalak 22 urteko kartzela-zigor eskaera mantendu du Lukas Agirreren hilketaz akusatuentzat
Emakume bat ere epaitzen ari dira, akusatuak estaltzeagatik, eta fiskalak 3 urteko espetxe-zigorra eskatu du horrentzat.
Euskaldunon Kontseiluaren erronka: 300.000 euskaldun gehiago 2036rako
'Pizkunderako Erronka 2036. Larrialditik indarraldirako jauzia' txostena aurkeztu du Euskalgintzaren Kontseiluak: orain arteko euskalduntze erritmoa bikoiztea eta urtero 30.000 hiztun irabaztea proposatzen da. Modu horretan, erabileran % 20ko langa gainditzea aurreikusten dute.
Bilboko Pagasarribide eskolako familiek protesta egin dute, geletako beroari aurre egiteko premiazko neurriak eskatzeko
Azken aste honetan gutxienez lau pertsona artatu behar izan dituzte Bilboko zentro honetan bero-kolpeak jota. Horregatik, ikasleen familiak kalera atera dira ikasgeletako beroari aurre egiteko premiazko neurriak eskatzeko.
Oreretako Xenpelar Bertso Eskolako irakasle baten erasoak salatu dituzte eta Udalak bertan behera utzi du eskolaren jarduera
Bertsozale Elkarteak, Oreretako Mugimendu Feministak eta Oiartzungo Feministen Asanbladak salatu dutenez, bertso-irakasle horrek “bere posizioa eta erreferentzialtasuna baliatu ditu modu sistematizatuan botere-harremanak garatzeko eta erasotzeko”. 2018an jaso zuen lehen salaketa eta ordutik hona neurriak hartu badira ere, erasoek jarraitu egin dute. Errenteriako Udalak jakinarazi du Bertso Eskolako zuzendaritzako kide batek guxtienez babestu duela erasotzailea eta, beraz, Udal zerbitzua izanik eta egoeraren "larritasunaz" jabetuta, bertan behera utzi du eskolaren jarduera.
Bilboko Pagasarribide eskolako beste adin txikiko bat ospitalera eraman dute, bero kolpeak jota
Astebetean beroagatik ikastetxe horretan artatu behar izan duten laugarren ikaslea da.
Bilboko hainbat ikastetxe publikotako guraso elkarteek beroari aurre egiteko erakundeen "utzikeria" salatu dute
Bilboko hainbat eskola publikotako guraso elkarteek salatu dutenez, beroaren ondorioz ikasgeletan gertatu diren lipotimia edo gastroenteritis kasuak onartezinak dira, eta esku hartzeko eskatu diete erakundeei. Are gehiago, berehalako neurriak hartzea eskatu dute.
Senegalen hil zen arrantzale lekeitiarraren gorpua Dakarren da dagoeneko, autopsiaren zain
Azken orduak Dakarreko portu parean ainguratuta egon ostean, agintarien ikuskaritza pasa du eta baimena jaso du porturatzeko. Joan den asteazkenean hil zen arrantzalea ontzian, lanean zela. Heriotza ez traumatikoa izan zen. Autopsia egin ostean hasiko dituzte aberriratzeko tramiteak.
Nafarroan bizi den gizon bat atxilotu dute Errioxan gazte bat hiltzea egotzita
Erasoa Fuenmayorren gertatu da, Logroñotik 14 kilometrora. Hildakoaz gain, emakume bat zauritu da eta ospitaleratu egin dute.
Auto-ilara luzeak GI-20 errepidean, Donostian, Bilborako noranzkoan izandako istripu baten ondorioz
Auto-ilara luzeak daude GI-20 errepidean, Donostia parean, Bilborako noranzkoan izandako istripu baten ondorioz.
119 pertsona identifikatu dituzte Gasteizko URSSA eta EGA fabriketan, eta beren gauzak aterarazi dizkiete
Ertzaintzak, Polizia Nazionalak eta Udaltzaingoak dispositibo bat jarri dute abian Adurtza auzoan abandonatuta dauden bi lantegietan, "osasungarritasun" arrazoiengatik. Operatiboan hainbat objektu aurkitu dituzte, eta nondik datozen ikertzen ari dira.