LABI teknikoa bihar bilduko da eta datuak "xehe" aztertu ostean neurriak proposatuko ditu
Bingen Zupiria Eusko Jaurlaritzako bozeramaileak ez du argitu noiz bilduko den LABIren Aholku Batzordea —ostegunean edo ostiralean izango da— baina zehaztu du LABIren batzorde zientifiko-teknikoa bihar "xehe" aztertuko dituela datu epidemiologikoak eta horren arabera neurriak proposatuko dizkiola LABI instituzionalari.
Gobernu bileraren osteko ohiko prentsaurrekoan egin du iragarpena Zupiriak. Azaldu duenez, Gotzone Sagardui Osasun sailburuak egoeraren argazkia egin die batzarrean. Pandemiak "joera hobea" du adierazle nagusietan (kutsatze kopurua, positibotasun tasa, azken zazpi eta 14 eguneko intzidentzia, ospitaleratzeak eta baita ZIUetako okupazioa). Dena dela, ohartarazi du "erietxeratze kopurua altua" dela oraindik, baita "koronabirusaren ondorioz hildako pertsonen kopuru altua" ere.
"Osasun egoera duela 15 egunekoa baino argiagoa eta positiboagoa da, nolanahi ere", erantsi du Zupiriak. Hain justu, duela bi aste ebatzi zuen LABI instituzionalak neurriak luzatzea.
Hala, iragarri du lehendakariaren asmoa dela LABIa asteon deitzea eta gogora ekarri du igandean, otsailaren 13an, geratuko direla bertan behera koronabirusari aurre egiteko hartutako neurriak.
Maskararen erabilera
Aire librean musukoa derrigorrez ez erabiltzeko Lurralde arteko Osasun Batzordeak hartutako erabakiaz galdetuta, Zupiriak esan du ziurrena iazko udan izandako egoerara bueltatuko garela (nahitaezkoa izateari utzi zion orduko hartan ere).
"Kanpoaldean maskara janztea beharrezkoa ez dela esango duenik egongo da, baina Jaurlaritzak gogorarazten jarraituko du maskara erabiltzea gomendagarria dela distantzia ez dagoenean edo jende pilaketak daudenean", adierazi du.
EAEko ikastetxeetako patioetan musukoa janzten jarraitu beharko ote den itaunduta, Jaurlaritzako eledunak nabarmendu du Batzordeak ez zuela gai hori jorratu eta Espainiako Gobernuak dekretuan zelan jasotzen duen irakurri nahi dutela. Horren arabera, erabakia hartuko dute Hezkuntza eta Osasun sailek.
Zure interesekoa izan daiteke
Ekaitz Pau, Gorlizko alkatea: "Udaltzaingoaren auto bat bidali arren, hark alde egitean eraso zioten etxeari"
Uribe Kosta institutuko irakaslearen jazarpen kasuaren harira, Ekaitz Pau Gorlizko alkateak azaldu du gaiaren berri izan zuela irakaslea bera Udalarekin harremanetan jarri zenean, azken erasoa baino egun batzuk lehenago. Dioenez, alde guztiekin harremanetan jarri da, eman beharreko pausoak zeintzuk izan behar diren erabakitzeko, eta azpimarratu du ez dela institutuko gauza isolatu bat, gizarte osoari eragiten diona baizik.
Emakume bat hil da N-121-A errepidean, Beran, lau ibilgailuren artean izandako istripuan
Biktima Lesakakoa da. Gainera, bi pertsona zauritu dira, eta Irungo eta Donostiako ospitaleetara eraman dituzte.
Gripeagatik ospitaleratuta daudenen kopurua iaz baino bost aldiz handiagoa da EAEn
Osakidetzak eta Osasun Sailak txertaketaren garrantzia azpimarratu dute arnas gaixotasunen prebentzio gisa, eta "erne egoteko" eskatu dute Eguberrietara begira.
Plantazio handiak hedatzen ari dira, eta saguzarrak eta Amazonia mehatxatzen dituzte
Brasilgo Amazonian, plantazio handiek saguzar frugiboroen (frutajaleen) bizimodua hankaz gora jarri du. Funtsezko espeziea da bertako haziak eta landaredia mantentzeko. Monolaborantzak eremuan zehar mugitzea galarazten die saguzarrei, eta horrek oztopatzen du haziak barreiatzea. Saguzarrek garraiatutako hazi bakoitzak ikaragarri laguntzen du zuhaitz, fruitu, baso eta sabanak birsortzen. Amazonia babesteko beharrezkoak dira.
Barnahus, sexu-abusuen biktima izan diren adingabeei arreta integrala emateko EAEko lehen zerbitzua
Arreta "homogeneoa eta koordinatua" emango zaie Barnahus etxean sexu-indarkeria pairatu duten haur eta nerabeei; espazio bakarrean jasoko dituzte osasun, hezkuntza, gizarte, polizia eta justizia zerbitzuak.
EAEko Auzitegi Nagusiak 88 urtera igo dio kartzela zigorra 11 adingaberi sexu-abusuak egiteagatik zigortutako Hondarribiko surf monitoreari
Gipuzkoako Auzitegiak 71 urte, 5 hilabete eta 9 eguneko kartzela ezarri zion, eta, hortaz, 17 urte gehituko zaizkio. Dena den, epaia ez da irmoa eta helegitea jar dakioke Auzitegi Gorenean.
Gizon bat atxilotu dute Iruñean, kirol-klub bateko garagardo txorrota irekita utzi eta 450 litro alferrik galdu direlako
Gauez gertatu zen, ostalaritza-establezimendua itxita zegoela. Poliziak jakinarazi duenez, ustezko egilea bertan sartu zen eta garagardo-zisterna bateko txorrotari eragin zion, baimenik gabe.
EAEko emakumezko erizainen ia erdiek diote komentario sexistak jasan dituztela
Euskadiko emakumezko erizain eta fisioterapeuten ia erdiek iruzkin iraingarriak jasan dituzte, SATSE Erizainen Sindikatuak egindako inkesta baten arabera. Kasuen % 85 baino gehiago ez dira salatzen. Ikerketa Emakumearen aurkako Indarkeria Desagerrarazteko Nazioarteko Eguna berehala izango dela eta eman ezagutzera.
Begoña Pedrosa: "Irakasleen eskubideen edo euren lanaren aurkako edozein jokabide onartezina da"
Begoña Pedrosa Hezkuntza sailburuak babesa adierazi nahi izan dio Santurtziko ikastetxe bateko ikasle talde baten jazarpenaren biktima izan den irakasleari. "Ikastetxeak Ikasleen Eskubideei eta Betebeharren Dekretuaren esparruan aurreikusitako prozedurak aktibatu ditu, eta sailetik prozesu horri laguntzen jarraituko dugu, hurbiltasun eta errespetu osoz", adierazi du Pedrosak.
Kezka Lizarra inguruan, frankismoari eta ultraeskuinari lotutako talde bat dagoelako bertan
Oinarri frankista eta ultraeskuindarra duen talde batek eraikinak erosi ditu Deierriko haran txikian, Lizarrako merindadean eta Iruñetik 40 bat kilometrora. Fundazioak sekten ezaugarri batzuk ditu, baina ez sekta gisa katalogatzeko adina.