Otxandiano: "EH Bilduk ahal duen guztia egingo du Elkarrekin Podemos ere Hezkuntza itunean egon dadin"
Pello Otxandianok (EH Bildu) espero du Hezkuntza itun berria "lehen herri mailako akordioa" izatea, "oinarrizkoa den gai baten inguruan", eta Elkarrekin Podemosek ere bat egitea nahiko luke. "Ahal dugun guztia egin behar da egon daitezen", esan du Radio Euskadin.
Nabarmendu duenez, Hezkuntza ituna, lau hilabeteko lanaren ostean, "momentu erabakigarrian sartu da, eta akordioa egin behar da" ehun eragile baino gehiagoren ekarpenekin egindako lehen testutik abiatuta. EH Bilduk hura "hobetu" nahi du orain. "Zenbait elementuk definizio handiagoa behar dute. Helburua testu argiago eta zehatzago bat lortzea da, konfiantza gehiago ematen duena", esan du. Koalizioak "Estatu mailako herri-itun bat" nahi du. "Estatu serioek hori egiten dute, ez Espainiak bezala, bost urtero legea aldatzen baitu", gehitu du.
Akordiorako oinarrietan aipatutako elementu garrantzitsua da Euskal Hezkuntza Zerbitzua, "topagune" bat "zentroei konpromisoak eskatzeko finantzazio publikoaren ordez". Otxandianorentzat, sistema horren bitartez "kontzertazio unibertsalarekin bukatuko da". "Bide hori egiten badugu, eskola publikoak jauzi bat emango du kalitatean", esan du.
Hizkuntza-ereduari dagokionez, EH Bilduko kideak uste du "jauzi bat eman behar dela euskara ardatz izateko", eta ikastetxe bakoitzak "eredua bere testuinguru soziolinguistikora egokitu beharko du", legearen helburuak lortzeko, hau da, bi hizkuntza ofizialen ezagutza. "Gaur egun Administrazioak ez du lortu euskalduntzean eragitea", uste du.
Otxandianorentzat, akordio honek erakutsi du "erakunde guztietan eta guztiekin hitzartzeko ahalmena dugula", eta esan du harreman normalizatuak dituztela EAJrekin. "Ikusiko dugu prozesua bukatzeko gai garen", bukatu du.
EAren barne krisiari buruz galdetuta, EH Bilduko programa zuzendariak "errespetu osoa" erakutsi nahi die EAren barruko eztabaidei, eta urte guzti hauetan "EH Bildu batzeko gai" izan dela azpimarratu du.
Zure interesekoa izan daiteke
Pantailak Euskaraz plataformak txalotu egin du ETB1 ONen haurrentzako edukiak eskaintzeko erabakia
Apirilaren 13tik aurrera, EITBk bikoiztu egingo du ETB1 ONen seinalea, eta 07:00etatik 19:00etara haurrentzako euskarazko edukiak eskainiko ditu, etenik gabe, telebista konbentzionalean.
Ehunka herritarrek Berrizen atzo izandako hilketa matxista saiakera salatu dute
'Erasoen aurrean, autodefentsa feminista' goiburupean, manifestazio zaratatsua egin dute gaur arratsaldean Berrizen. Ehunka herritar batu dira Mugimendu Feministak deitutako protestara, atzo izandako eraso matxista irmo salatzeko. Emakundek ere bat egin du deialdiarekin.
Basauriko hilketa matxista salatu dute Berangon
Berangoko Udalak eta Emakumeen Elkarteak deituta, indarkeria zantzuekin hilda agertu zen 44 urteko emakume berangoztarra gogoan izan dute astearte honetan.
Hego Euskal Herriko garaiak Kultura Ondare ez-materiala dira jada
Espainiako Gobernuak errege-dekretu batean aitortu du Iberiar Penintsulako iparraldeko garaien balio sinbolikoa eta soziala. Deklarazioak eraikuntza tradizional horien kontserbazioa bermatzen lagunduko du; izan ere, mantentze ezak, homogeneizazioak eta belaunaldien arteko aldeak arriskuan jartzen dituzte.
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.