Planeta berri bat hauteman dute eguzkitik hurbilen dagoen izarraren inguruan
Very Large Telescope (VLT) erabiltzen duen Txileko Europako Behatoki Astraleko (ESO) astronomo-talde batek Proxima Centauriren inguruan (gure eguzki-sistematik hurbilen dagoen izarra) orbitatzen duen planeta baten zantzuak aurkitu ditu, Astronomy & Astrophysics aldizkariak argitaratutakoaren arabera.
Planeta-hautagaia sisteman hauteman duten hirugarrena da, eta orain arte izar hori orbitatzen deskubritu duten arinena. Lurraren masaren laurden bat baino ez du, eta inoiz aurkitutako exoplaneta arinenetako bat da.
João Faria Portugalgo Astrofisika eta Espazioko Zientzien Institutuko ikertzaile eta azterlanaren egile nagusiak azaldu duenez, aurkikuntzak "agertu du gure izarretako bizilagun hurbilenak mundu berri eta interesgarriz betea dirudiela, ikerketa eta esplorazio berrien irispidean".
Eguzkitik hurbilen dagoen izarra da Proxima Centauri, lau argi-urte ingurura.
Aurkitu berri duten planetak Proxima D du izena, eta Proxima Centauriren inguruan orbitatzen du lau milioi kilometro inguruko distantzian, Merkuriotik Eguzkirako distantziaren hamarren bat baino gutxiago. Izarraren eta eremu bizigarriaren artean orbitatzen du, eta bost egun besterik ez du behar Proxima Centauriren inguruan orbita bat osatzeko.
Jakina da izarrak beste bi planeta hartzen dituela barne: Proxima B, Lurraren antzeko masa duen eta izarra 11 egunean behin orbitatzen duen planeta, eremu bizigarriaren barruan, eta Proxima C hautagaia, izarraren inguruko bost urteko orbitan dagoena.
Lurreko masaren laurden batekin, Proxima D abiadura erradialaren teknikarekin inoiz neurtutako exoplanetarik arinena da, L 98-59 planeta-sisteman berriki aurkitutako planeta baino arinagoa.
Pedro Figueira Txileko ESOko ESPRESSO taldeko zientzialariak esan du lorpen hau "izugarri garrantzitsua" dela. Agerian utzi du abiadura erradialaren teknikak gurea bezalako planeta arinen populazio bat aurkitzeko ahalmena duela. "Gure galaxiako ugarienak izatea espero da, eta bizitza izan dezakete, ezagutzen dugun moduan".
Zure interesekoa izan daiteke
Gutxienez bost hildako eta sei zauritu Kordoban, abiadura handiko bi tren errailetik atera ondoren
Trenetako bat errailetik atera da Adamuzeko (Kordoba) 1. trenbidearen sarrerako desbideraketan eta alboko trenbidean sartu da. Beste tren bat zihoan hortik eta hura ere errailetatik atera da. Madril eta Andaluzia arteko abiadura handiko trenen zirkulazioa bertan behera geratu da.
Celtako zaleek azazkalak margotu dituzte Borja Iglesiasen alde, futbolariak Sevillan jasotako irain homofoboak salatzeko
Sevillaren aurkako partida bukatu zenean, Sanchez Pizjuanen jokalariak jaso zituen irainen aurrean, gaurko Balaidosko norgehiagokara azazkalak margotuta joatera animatu zituen klubak jokalari eta zaleak. Iglesiasek berak urteak daramatza homofobiaren aurka borrokatzen, eta azazkalak margotuta eramatea izan da bere ezaugarrietako bat.
Auzitegi Gorenera jo du Kermanen familiak Arabako Auzitegiak haren hilkeren "larritasuna murrizten" duela iritzita
Azaroan behin-behineko askatasuna eman zioten erasotzaileari eta epaiketa labur bat egingo zela ebatzi zuen Arabako Auzitegiak, instrukzio epaitegiaren iritziaren kontra.
Pertsona bat hil da Benasquen, elur-jausi batek harrapatuta
Cerler eski estazioan gertatu da ezbeharra. Dirudienez, hainbat elur-jausi izan dira gaur pistetatik kanpo.
Lau gazte atxilotu dituzte Bedian, Euskotrenen tren batean grafitiak egitea egotzita
18 eta 21 urte bitarteko lau gizonezko hartu dituzte atxilo, trenbidean barrikada bat jarri eta Euskotrenen tren batean pintaketak egitea leporatuta.
Hamar pertsona erietxera eraman dituzte Gasteizko lonja batean izandako sutean kea arnasteagatik
Ertzaintzak jakitera eman duenez, igande goizeko zortzi eta erdietan gertatu da. Ikerketa abiatu dute sua zerk eragin duen argitzeko.
Pertsona bat erreskatatu dute Basauriko zubi batetik ibaira erori ostean
Larrialdi zerbitzuek gizon bat erreskatatu dute larunbat honetan, Agirre Lehendakariaren etorbideko zubi batetik uretara erori ondoren.
Ertzaintzak giza gorpuzkiak kiskalita topatu ditu Ortuellan
Ikerketa abian dute gertatutakoa argitu eta istripua izan den edo kriminalitate zantzuak dauden zehazteko. Oraindik ez dute biktima identifikatu.
11 pertsona intoxikatu dira kea arnastuta Baionan piztu den sute batean
Baiona iparraldeko lau solairuko etxebizitza batean piztu dira garrak, 10:30 aldera, eta eguerdirako itzali dute sutea. Sei pertsona ospitaleratu behar izan dituzte.
Maskotekin iruzurrak online egiten zituen sare bat desegin, eta isolatuta zuten 80 urteko gizon bat askatu dute
18 pertsona atxilotu dituzte Bizkaian, eta iruzurgileen 121 biktima identifikatu dituzte, batzuk Gipuzkoan eta Araban.