Deskargako bidesariaren kontrako manifestazioa egin dute Zumarragan eta Urretxun
Gipuzkoako Foru Aldundiak Deskargan ezarritako bedesaria bertan behera utz dezala eskatzeko, manifestazioa egin dute gaur, otsailak 12, Urretxun eta Zumarragan. Bi herriotako kaleak zeharkatu dituzte, 11:00etan Areizaga-Kalebarren plazatik abiatuta.
Hiru garraiolarien sindikatuak eta A-636 Beasain-Bergara Peajerik Ez plataformak deitu dute protesta. Horien hitzetan, "beste behin, garraiolariak zigortu nahi dituzte". "Deskargan, A-636 errepidean, Gipuzkoako Foru Aldundiak jarri duen bidesariak garraiolariei eragingo die bereziki: bikoitza ordainduko dute, turismoekin alderatuta, eta ez dute ibilbide alternatibo bat erabiltzeko aukerarik izango, Deskarga mendateko errepide zaharretik zirkulatzea debekatuta baitute kamioiek", salatu du Hiruk.
Garraioalariak gizartearentzat "ezinbestekoak" izan arren, erakundeek ez dutela sektorea "babesten" adierazi dute protestaren deitzaileek. Gehitu dutenez, Deskargako bidesaria "beste karga bat" bat da eurentzat, "bezeroei tarifak igotzeko zailtasun handiak" dituztenean.
Halaber, errepideak "ondasun publikoak" direla eta "zergen bidez jasotakoarekin konpondu" beharko liratekeela azpimarratu dute garraioariek. "Ez da zilegi, erabiltzaile batzuei konponketa kargatzea", esan dute.
Beasain eta Bergara arteko arku bidezko bidesaria urtarrilaren 18an jarri zuen martxan Aldundiak. Ordutik, bertatik igarotzen diren ibilgailu guztiek, motoek izan ezik, ordaindu egin behar dute. Beasainen, Ezkion eta Deskargan daude arkuak jarrita.
Gipuzkoako Foru Aldundiaren arabera, "ezinbestekoa" da errepide hori erabiltzen dutenei kobratzea, "eraikitze, mantentze eta kudeaketa lanak" ordaindu ahal izateko.
Milaka herritarrek erabiltzen dute A-636 errepidea egunero, eta garraiolarien artean ez ezik, gainerako erabiltzaileen artean ere haserre handia piztu du bidesariak.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.