13 pertsona atxilotu dituzte Gipuzkoan, bizi ez ziren etxeetan erroldatuta egoteagatik
13 lagun atxilotu ditu poliziak Gipuzkoan, bizi ez ziren etxetan erroldatuta egoteagatik. Besteak beste gizarte-laguntzak eskuratu, osasun arreta jaso eta nazionalitate espainiarra lortzeko 75 lagun erroldatu ziren Irungo bi etxebizitzatan.
Irungo udal Erregistroa aztertuz ohartu zen polizia bi etxebizitzatan ohikoa izan litekeena baino jende gehiago zegoela erregistratuta, eta sartu-irten handiko pisuak zirela.
Ikertzen hasi eta konturatu dira Pio Baroja kaleko etxebizitza batean, Pakistango gizon batek etxea alokatu eta bertan erroldatzeko aukera eman diela batik bat jatorriz atzerritarrak diren hainbat pertsonari. Pintor Berruetako kaleko beste etxebizitza batean, berriz, etxe-jabearen sinadura faltsutu duen gizon bat izan da maizterren errolda tramitatu duena.
Polizia jabetu denez, 75 maizter hauetatik 61 ez dira inoiz etxebizitza hauetan bizi izan, baina hala ere gehienek 50 eta 100 euro bitarte ordaindu dituzte hilero errolda edukitzearen truke.
13 lagun atxilotu dituzte errolda-iruzurragatik, eta beste hogeita bosti 10 mila euro arterainoko isunak jarri dizkiete. Ikerketa zabalik dago eta ez da baztertzen beste herrialde batzuetan ere atxiloketak izatea.
Zure interesekoa izan daiteke
Emakume bat hil da Tafallan, auto batek harrapatuta
Istripua goizean gertatu da. Emakumea oso larri eraman dute ospitalera, eta ordu batzuk geroago hil da.
Gorenak errefusatu egin du etorkinen erregularizazioa kautelaz geldiaraztea
Espainiako Gobernuak "positibotzat" jo du milaka lagunen "oraina eta etorkizuna argitzen" duen erabaki hori. Dekretua onartuta apirilaren 16an abian jarri zen prozesua gelditzea eskatu zuten bost erakundek.
Giro ezin hobea Bilboko Europako errugbiaren festa handian
Asteburu honetan Challenge Cup eta Champions Cup txapelketetako finalak jokatuko dituzten errugbi-taldeen zaleen arteko giroaz gozatzen ari dira ehunka lagun ostiral honetan Bilbon. Montpellier eta Ulster izango dira elkarren aurka jokatuko duten lehenak, gaur, San Mamesen.
Medikuen sindikatuek ez dute grebarik egingo udan, baina protestak iragarri dituzte udazkenerako
Medikuen sindikatuen konfederazioak espero du Osasun Ministerioak greba batzordea deituko duela berehala, "negoziatzeko benetako borondatearekin". Deialdirik ez badago, udazkenean "gatazka areagotzeko prest" agertu da.
Eusko Jaurlaritzak elikadura-alerta bat zabaldu du EAEn banatutako gazta freskoetan listeria aurkitu baitute
Cerrato, Nativo, Goya eta El Sabor de Casa markek merkaturatutako hainbat produktu daude kaltetuta. Horietako bat etxean dutenei ez kontsumitzeko gomendatu diete agintariek.
Martxan da Bilbon errugbizaleentzako gunea
Gaur eta bihar jokatuko diren Europa mailako bi final handiek 75.000 zale bilduko dituzte guztira. Lehen finala gaur iluntzean jokatuko dute Ipar Irlandako Ulster eta Frantziako Monpellier taldeek. Casilda Iturrizar parkean jarritako gunean hasi dira giroa berotzen.
Nelson David Moreno errudun jo dute, 73 urteko gizon baten hilketagatik
Laugarrenez kondenatu dute auziperatua; guztira, 2021eko udazkenean zazpi gizonezko homosexualen hilketekin lotzen dute.
79 urteko emakume bat larri zauritu da Tafallan, auto batek harrapatuta
SOS Nafarroak jakitera eman duenez, ezbeharra 10:43an izan da, NA-8607 errepideko 4,2 kilometroan, Foruzaingoaren polizia etxearen aurrean, herrigunean bertan. Oinarrizko bizi euskarriko anbulantzia bat eta anbulantzia medikalizatu bat bertaratu dira, eta azken horretan eraman dute Nafarroako Unibertsitate Ospitalera, larri.
Udalekuetan adingabeen babesa indartzeko erreformaren behin betiko testua onartu du Legebiltzarrak
Gazteria Legearen aldaketa Bernedo auziak bultzatu du, eta batzordean eta osoko bilkuran onartu behar da oraindik. 600.000 eurorainoko isunak aurreikusten ditu.
Okupatutako pabiloi bat hustu dute Donostiako Herrera auzoan
Ertzaintzak Donostiako Udaltzaingoarekin lankidetzan burututako operatiboa epailearen aginduz egin da, pabiloiaren jabeak eskatuta. Kale egoeran zeuden sei pertsona kaleratu dituzte, eta horietako bi Polizia Nazionalaren esku geratu dira.