François Gros frantziar biologoa hil da, RNA mezularia aurkitu zutenetako bat
François Gros frantziar biologoa, besteak beste RNA mezulariaren aurkikuntzan parte hartu zuena, ostiralean hil zen, 95 urte zituela, igande honetan Frantziako Zientzien Akademiak jakitera eman duenez.
Akademiak haren biografian aipatzen duenez, "erabakigarria" izan zen genearen funtzionamendua deskodetzen egin zuen ekarpena, bidea ireki baitzuen teknologia hori covid-19aren aurkako txertoetako batzuetan erabiltzeko.
Grosek 1945ean hasi zuen bere jarduera bekadun gisa Ikerkuntza Zientifikoen Zentro Nazionalean. Bertan, ikerkuntza zuzendari eta zuzendaritzako kide izatera iritsi zen, eta bere ibilbidean, halaber, Pasteur Institutuko zuzendari nagusi izana nabarmentzen da.
Parisko biologoari genearen funtzionamenduak eta erregulazioak sortu zion interesa hasieratik, eta 1961ean lehen aldiz eman zituen ezagutzera "mezulari" izeneko azido ribonukleikoak (RNA), kromosometako informazioa proteinak sortzeko makineriara garraiatzen dutenak.
Akademiaren arabera, Jacques Monod eta François Jacobekin batera egindako lan horri esker zehaztu ahal izan zuten bakterioen funtzionamendu genetikoaren erregulazioa maila molekularrean nola gauzatzen den, "kanpo estimuluen" eraginpean.
Monodek, Jacobek eta André Lwolffek Medikuntza eta Fisiologiako Nobel saria eskuratu zuten 1965ean.
Pandemiak gaurkotasuna eman zion berriro haien aurkikuntzari; izan ere, Pfizer eta Modernaren txertoak azido ribonukleziko mezulariaren (mRNA) bitartez garatu dituzte. Abangoardiako teknologia da, azido ribonukleiko mezulari horietan oinarritutakoa, eta zelulei zenbait proteina sorrarazten dieten instrukzio edo molekulak gorputzean txertatzea baimentzen du.
Zure interesekoa izan daiteke
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.