Hauxe da Abortuaren Legea erreformatzeko Berdintasun Ministerioak egindako proposamena
Irene Montero Espainiako Gobernuko Berdintasun ministroak Abortuaren Legearen gakoetako batzuk aurreratu ditu asteazken honetan, Kongresuan. Besteak beste, hauek izango dira lege berriko berritasunetako batzuk: 16 urtetik gorako emakumeek baimenik gabe eten ahalko dute haurdunaldia, hiru eguneko "hausnarketa" epea desagertu egingo da eta kontzentzia-eragozle diren profesionalen errolda bat sortuko da.
Behe Ganberako Berdintasun lantaldean egindako agerraldian, Monterok adierazi du Gobernuaren beharra "osasun publikoan abortatzeko eskubidea blindatzea" dela.
Zeregin horretarako, Gobernuak telefono zerbitzu espezializatu bat sortuko du sexu eta ugaltze eskubideen inguruan informatzeko. Prozesuan zailtasunik izanez gero, telefono zerbitzu horretan euren eskubideak non eta nola gauzatu jakin ahalko dute emakumeek.
Gainera, ministroak nabarmendu du 16 eta 18 urte arteko emakumeek "modo autonomoan" erabaki ahalko dutela abortatzea. "Lan egin badezakete edota sexu-harremanak izan baditzakete, euren gorputzen inguruan ere erabaki dezakete", azpimarratu du.
Halaber, praktika zentro publikoetako ginekologia eta obstetrizia zerbitzuetan bermatzeko asmoa dute. Horretarako, "kontzientzia-eragozpenerako eskubide konstituzionala zintzotasunez" errespetatuko dute, baina "emakumeek euren gorputzen gainean erabakitzeko duten eskubidea zehatz-mehatz bateragarri eginez", erantsi du.
Horregatik, Eutanasiaren Legearen testua (dagoeneko onartuta dago) oinarri hartzea proposatu du Ministerioak, mediku objektoreen zerrenda bat aurreikusten baitu.
Haurdunaldia eteteko metodoa emakumeak erabakiko duela esan du Monterok. Horretarako, erabakia hartu ahal izateko beharrezko informazioa emango diote osasun zentroan. Gainera, gutuna (erabakiaz gogoeta egitea eskatzen zaie bertan) jasotzeak derrigorrezkoa izateari utziko dio; emakumeek eskatzen dutenean soilik emango zaie.
"Abortua aurrera eramatea erabakitzen duen emakume orok inolako oztoporik eta kalterik gabe egin behar du", azaldu du.
BESTE NEURRI BATZUK
Bestalde, araudian sartuko dituzten beste neurri batzuk azpimarratu ditu Monterok, hala nola sexu eta ugalketa osasunaren arretan hobekuntzak, amatasun baimenaren aitortza erditzea baino lehen eta indarkeria ginekologikoa prebenitzeko ekintzak.
"Osasun menstruala estandar erabakigarria izango da emakumeen osasunean", esan du ministroak, eta bermatzea "Estatuaren eta botere publikoen betebeharra" izango da. Horretarako, emakumeen oinarrizko beharretarako produktuek "ikaragarri garestiak izaten jarraitzea" eta kontrazepzioaren erantzukizuna beti emakumeek hartzea aztertuko dituzte.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.