Milaka herritar atera dira kalera, indarkeria matxista eta konplizitate sareak salatzeko
Euskal Herriko Mugimendu Feministak eta Itaia antolakunde sozialistak deituta, dozenaka protesta-ekintza egin dira arratsaldean. Urtea hasi zenetik, Euskal Herriko zazpi emakume hil dituzte haien bikotekide gizonezkoek.
Emakumeen Aurkako Indarkeria Desagerrarazteko Nazioarteko Egunean milaka lagun atera dira kalera euskal hiri eta herrietan, elkarte feministek deituta. Euskal Herriko Mugimendu Feministak, alde batetik, eta Itaia antolakundeak, bestetik, manifestazioak egin dituzte bost hiri nagusietan.
'Konplizitate sareen aurrean, erresistentzia feminista' goiburupean, kaleak bete ditu astearte arratsaldean Euskal Herriko Mugimendu Feministak Baionan, Bilbon, Gasteizen, Donostian eta Iruñean. Indarkeria matxista eta hura sostengatzen duten konplizitate-sareak salatu dituzte.
Bilboko manifestazioa hasi aurretik erakundeei zuzendu zaie Mugimendu Feministako Naia Torrealdai. "Betetzen ez dituzten legeak eta egiten ez dituzten protokoloak erdigunera ekarri eta mahai gainean" jartzeko garaia dela azpimarratu du. "Indarkeria matxista ez da bakarrik gertatzen erasotzen gaituztenean, erakundeen arduragabekeriak indarkeria hori sostengatzen du". Hori dela eta, "politika feminista errealak" martxan jartzeko garaia dela aldarrikatu du.
Manifestazioen amaieran irakurri duten agirian, indarkeria matxistarik gabe aske bizitzeko eskubidea aldarrikatu dute. Horrekin batera, ohartarazi dute negazionismoak eta eskuin muturrak geroz eta indar gehiago dutela gizartean, eta ondorioz, feminismoaren borrokari esker lortu diren eskubideak kolokan daudela.
Bere aldetik, Itaia antolakunde sozialistak ere manifestazioak egin ditu bost hiriburu nagusietan. Talde horrek ere, eskuin muturreko ideologien gorakada salatu nahi du eta esan du ultraeskuinari "ez zaiola emakumeen aurkako indarkeria axola".
Matxismoa ez dela "asmakeria ideologikoa" azpimarratu dute, eta indarkeria matxista "emakumeon egunerokoan" txertatuta dagoela adierazi dute.
Urtea hasi zenetik, Euskal Herriko zazpi emakume hil dituzte euren bikotekideek.
AZAROAK 25, INDARKERIA MATXISTAREN AURKAKO EGUNA
Zazpi euskal emakume hil dituzte indarkeria matxistaren ondorioz 2025ean
Biktimen artean bikotekide gizonezkoek eraildako lau emakume, aitak hildako neska adingabe bat eta semeek hildako adineko bi emakume daude.
Zure interesekoa izan daiteke
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.