Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Lana eta familiaren zaintza bateragarri egiten duten laguntzak arautzen dituen dekretu berria onartu du astearte honetan Eusko Jaurlaritzaren Kontseiluak. Dekretuak hainbat berrikuntza dakartza; besteak beste, laguntza horiek harrera-familiei ere emango zaizkiela aurrerantzean.
Zaintzarako laguntzak honako kasu hauetan ematen dira:
- 3 urtera arteko seme-alabak zaintzeko eszedentziak hartzen direnean.
- 12 urtera arteko seme-alabak zaintzeko lanaldi-murrizketak egiten direnean.
- Mendetasun-egoeran eta osasun-egoera oso larrian dauden senitartekoak zaintzeko eszedentzia eta lanaldi-murrizketak kasuetan.
- 14 urtetik beherako seme-alabak zaintzeko zaintzaileak kontratatzean.
Araudi berri honen ondorioz, laguntzen zenbateko ekonomikoak handitzen dira, familia onuradunak ugaritzen dira, laguntzak onartzeko baldintzak malgutzen dira eta kudeaketa hobetzen da. Zehazki, hauek dira berrikuntza nagusiak:
- Eszedentzietarako eta lanaldi-murrizketetarako laguntzak % 10 handituko dira. Igoera % 30ekoa izango da guraso bakarreko familien, familia ugarien, mendetasun larriko, mendetasun handiko edo % 50etik gorako desgaitasuneko egoeran dagoen kideren bat duten familia-unitateen eta genero-indarkeriaren eta/edo sexu-indarkeriaren biktima den kideren bat duten familia-unitateen kasuan.
- Harrera familiek eta tutoretza familiek (aitona-amonak, osaba-izebak...) jaso ahal izango dituzte laguntzak.
- Eszedentziarako edo murrizketarako eskatu behar diren gutxienezko 59 egunak tartekatuta eskatzeko aukera.
- Eszedentzia eta murrizketetarako denbora-muga familiako izango da, ez guraso bakoitzagatiko.
- Laguntzen kudeaketa eta beste administrazioekiko elkarreragingarritasuna hobetzea.
Dekretuaren berrikuntzak eta hobekuntzak araua indarrean jartzen denetik aurrera (EHAAn argitaratu eta hurrengo egunean) aurkezten diren eskaerei aplikatuko zaizkie, hau da, ekainaren hirugarren astetik aurrera. Eskaera egin aurreko urtean izandako eszedentziengatik, lanaldi-murrizketengatik eta kontratazioengatik eskatu ahal izango da laguntza.
Inbertsioa handitzea
Berrikuntzei aurre egin ahal izateko, Ongizate, Gazteria eta Erronka Demografikoko Departamentuak 27,5 milioi euroraino handituko du programa horretara bideratutako inbertsioa (orain arte 21,3 milioikoa zen).
2004. eta 2005. urteetan, 17.884 eta 17.166 pertsonak jaso zituzten laguntza horiek, hurrenez hurren. 2025ean, eskatzaile bakoitzeko 1.180 euro izan zen laguntzaren batez besteko zenbatekoa, eta emandako 17.166 laguntzetatik 1.332 talde kalteberenak ziren: guraso bakarreko familiak, familia ugariak, desgaitasunen bat edo mendetasun-egoeraren bat zuten familiak.
Zure interesekoa izan daiteke
Lagako hondartzako aparkalekua uda osoan egongo da zabalik
Hondartzaren inguruko ingurumena birsortzeko lanak udazkenera arte atzeratuko dira, Espainiako Gobernuaren Bizkaiko ordezkariordeak jakinarazi duenez.
Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.
77 urteko gizon bat hil da Donostiako Ondarreta hondartzan
Larrialdi zerbitzuek goizeko 10:30ak pasatxoan jaso dute abisua. Hondartzan zeuden hainbat herritarrek atera dute gizonezkoa uretatik, baina erreskate taldeek ezin izan dute ezer egin, bizirik eusteko.
Datorren urtetik aurrera Bero Plana maiatzaren 15era aurreratzea aztertzen ari da Eusko Jaurlaritza
Guillermo Herrero Eusko Jaurlaritzako Osasun Publikoko zuzendariaren hitzetan, "txipa aldatzen hasi behar dugu denok, eta pentsatzen, lehen uztailekoak edo abuztukoak ziren tenperaturak maiatza-ekainean izango ditugula".
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.
Bi pertsona ospitalera eraman dituzte Berriobeitin, hondakinak kudeatzeko enpresa batean piztutako sutean kea arnastuta
Enpresa ebakuatu behar izan dute. Enpresako langileak sua itzaltzen hasi dira, eta suhiltzaileek bukatu dute, 00:26an.
Gomez Ulla ospitalean isolatutako beste pertsonak batek positibo eman du hantabirusagatik, baina ez du sintomarik
"Kontaktu estua" da, eta Hondiuseko agerraldiaren ostean aktibatutako miaketa "epidemiologikoari" esker aurkitu zuten.