Lau urteko ume bat ospitalera eman dute, Bilboko Pagasarribide eskolan bero-kolpe izan ondoren
Ikastetxeko Guraso Elkarteak salatu du azpiegiturak zaharkituta daudela eta ez daudela prestatuta bero sapa hauei aurre egiteko. Esan dutenez, arazoa orokorra da Bilboko sare publikoko eskoletan.
Bilboko Pagasarribide ikastetxea. Argazkia: EITB
Bilboko Pagasarribide eskola publikoko lau urteko ikasle bat ospitalera eraman dute goizean, bero kolpe bat izan ondoren. Anbulantzian eraman dute osasun zentrora, eta han artatu ondoren, bere onera etorri da umea eta etxera bidali dute.
Ikastetxeko Guraso Elkarteak salatu duenez, azken egunotako beroaldiak eragindako hirugarren gertakaria da honakoa. Joan den ostiralean, beste ume bat eraman zuten Basurtuko Ospitalera, beroagatik ondoeza izan ondoren, eta atzo, berriz, hiru urteko ume bat zorabiatu egin zen.
Garazi Andres Guraso Elkarteko kidearen arabera, egoera "jasanezina" da. Haren hitzetan, azpiegiturak oso zaharkituta daude, eta ez daude beroari aurre egiteko egokituta. "Azpiegiturak oso zaharkituta daude. Pertsianak apurtuta daude leku askotan, eta kartulinak ipintzen dituzte babesteko. Leihoak ezin dira zabaldu. Eusko Jaurlaritzak dirua inbertitzea eskatzen dugu", esan du.
Gainera, azaldu du arazoa orokorra dela sare publikoko Bilboko eskoletan.
Ordutegi jarraitua
Atzo Santutxuko Luis Briñas ikastetxean erabaki zuten bezala, Hezkuntza Saileko arduradunekin egoera aztertu ondoren, Pagasarribide eskolan ordutegi jarraitua ezarriko dute bihartik ostiralera: 08:00etatik 15:00etarako ordutegia izango dute. Jantoki zerbitzua mantendu egingo da.
"Badakigu erabakia oso epe motzean hartu dela eta horrek zailtasunak sor ditzakeela familia batzuetan. Halere, egoera arduraz aztertu ondoren, ezin dugu normaltasunez jardun 32 graduko tenperaturekin geletan, eta ikasleen zein langileen osasuna lehenetsi behar dugu", dio Pagasarribideko zuzendaritzak familiei gaur arratsaldean igorri dien oharrak.
Alerta laranja
Zure interesekoa izan daiteke
Harrera-familiek ere kontziliaziorako laguntzak jasoko dituzte aurrerantzean
Seme-alabak edo mendeko senitartekoak zaintzeko langileak kontratatzen dituztenei edota eszedentzia edo lanaldi-murrizketa eskatzen dutenei ematen zaizkien laguntzak arautzen dituen dekretu berri bat onartu du Eusko Jaurlaritzak.
Adimen artifizialaren lege berriaren hamar gako eta adibide
Ministroen Kontseiluak lege-proiektu bat onartu du teknologia horren erabilera gizartearentzat "etikoa, inklusiboa eta onuragarria" izan dadin bermatzeko.
Donostiako Udalak hondartzen denboraldia aurreratzea aztertuko du, egun hauetako erreskateen ondoren
Jon Insausti alkateak adierazi duenez, hondartza denboraldia lehenago hasi behar den aztertuko da, edo agian zerbitzu zehatz batzuk, gune puntual batzuetan, baina hori datorren urteko aurrekontuen araberakoa izango dela azpimarratu du. Halaber, seinaletika indartzearen eta megafonia zerbitzuak lehenago aktibatzearen alde agertu da, Saguesen, esaterako, "arriskutsuak izan daitezkeen korronte konplikatuak" daudelako.
77 urteko gizon bat hil da Donostiako Ondarreta hondartzan
Larrialdi zerbitzuek goizeko 10:30ak pasatxoan jaso dute abisua. Hondartzan zeuden hainbat herritarrek atera dute gizonezkoa uretatik, baina erreskate taldeek ezin izan dute ezer egin, bizirik eusteko.
Datorren urtetik aurrera Bero Plana maiatzaren 15era aurreratzea aztertzen ari da Eusko Jaurlaritza
Guillermo Herrero Eusko Jaurlaritzako Osasun Publikoko zuzendariaren hitzetan, "txipa aldatzen hasi behar dugu denok, eta pentsatzen, lehen uztailekoak edo abuztukoak ziren tenperaturak maiatza-ekainean izango ditugula".
Auto-ilarak deseginda, egoera bere onera itzuli da Artatzan goizean tuneletan izandako istripu baten ondoren
Moto batek istripua izan du tuneletan eta errei bat itxi behar izan dute BI-637 errepidean, Leioan, Bilborako noranzkoan eta 4 km-rainoko ilarak izan dira bertan. Motor gidaria zaurituta eraman dute erietxera. Arazoak izan dira N-1ean ere Tolosa parean eta Irunerako noranzkoan; autobus batek eta auto batek talka egin dute eta zauriturik ez badago ere, ilarak sortu dira.
Bi pertsona ospitalera eraman dituzte Berriobeitin, hondakinak kudeatzeko enpresa batean piztutako sutean kea arnastuta
Enpresa ebakuatu behar izan dute. Enpresako langileak sua itzaltzen hasi dira, eta suhiltzaileek bukatu dute, 00:26an.
Gomez Ulla ospitalean isolatutako beste pertsonak batek positibo eman du hantabirusagatik, baina ez du sintomarik
"Kontaktu estua" da, eta Hondiuseko agerraldiaren ostean aktibatutako miaketa "epidemiologikoari" esker aurkitu zuten.
Gasteizko Udalak eta blusa eta nesken kuadrillek aldatu egingo dituzte jaietako kalejirak
Batzordeak joanekoan desfilatuko du, eta Federazioak, berriz, itzulerakoan.