Udalekuak pandemia aurreko egoerara itzuliko dira
Arabako, Bizkaiko eta Gipuzkoako Foru Aldundiek elkarrekin antolatzen dituzten udalekuen programa pandemia aurreko kopuruetara itzuliko da aurten. Guztira, 4.013 toki eskainiko dituze hirurek. Aurreko urteko kopuruarekin alderatuta, nabarmen igo dira eskainiko dituzten tokiak; izan ere, 2.321 eskaini zituzten iaz, pandemiaren aurkako neurriak tarteko.
Aurten ez da burbuila talderik egongo. Indarrean dagoen neurri bakarra barrualdean maskara erabiltzearena dela gogoratu dute.
Udalekuak uztailaren 1a eta 29a bitartean izango dira aurten, zazpi eguneko txandatan. Bertan, 7 eta 13 urte bitarteko haur eta gazteek parte hartu ahalko dute, eta Arabako, Bizkaiko eta Gipuzkoako hamabost aterpetxe eta instalazioen artean aukeratzeko aukera izango dute.
Bizkaiko Foru Aldundiak 1.268 toki eskainiko ditu aurten; Gipuzkoakoak, 1.050; eta Arabakoak, 1.695.
Hauek dira lurralde historiko bakoitzean eskaria egiteko epeak:
Bizkaia: Gaur eta martxoaren 17a bitartean izango da izena emateko epea zabalik, eta apirilaren 28an egingo da zozketa.
Gipuzkoa: Martxoaren 21a eta 29a bitartean eman ahalko dute izena, eta apirilaren 4an egingo dute zozketa.
Araba: Martxoaren 21a eta 30a bitartean egongo da irekita izena emateko epea, eta apirilaren 6an egingo dute zozketa.
7 eguneko txanda bakoitzeko, 135 euro ordaindu beharko dituzte familiek, baina deskontuak ere izango dira, familia motaren arabera: familia ugarien edo gurasobakarren kasuan, 94 euro ordaindu beharko dituzte, eta familia ugari bereziek, 67 euro. Gizarte Larrialdietarako Laguntzak edo Diru-Sarrerak Bermatzeko Errenta jasotzen duten edota familiako kide guztiak langabezian dituzten adingabeek ere kuota murriztuak izango dituzte.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.