Drogatuta gidatzen zihoan arabar batek atzeman dutenean: "Menda Lerenda Errepublikako diplomatikoa naiz"
Badira komedia batetik ateratakoak diruditen gertaerak, horren adibide litzateke honako istorioa, protagonistaren egoerak berarekin zekarren arriskuagatik ez balitz.
Istorioa honakoa da. Logroñoko Guardia Zibilak gazte arabar bati isuna jarri dio drogatuta gidatzeagatik, eta 'Menda Lerenda Errepublika Ibiltariko'-a dela dioen NAN eta gidabaimen faltsuak aurkezteagatik; hango diplomatikoa omen.
28 urteko gizonezkoa, Lantziegoko bizilaguna, geldiarazi egin zuen Guardia Zibilak, telefonoz hizketan zihoan bitartean sigi-saga eginez gidatzen zihoalako.
Gelditu eta dokumentazioa eskatu ziotenean, gizona irainka hasi zitzaien agenteei eta hara non esan zuen 'Menda Lerenda Errepublika ibiltariko' diplomatikoa zela.
Behin eta berriz dokumentazio erreala erakusteko eskatuta, kasurik ez zien egin gizonezkoak; ez hori bakarrik, biraoka jarraitu zuen eta immunitatea zuela azpimarratu, aipatutako errepublikako diplomaziako kide zen heinean.
Azkenean, identifikatzea lortu zutenean, droga detektatzeko proba egin zioten gizonezkoari. Emaitza: positiboa THCn. Marihuana magdalenak jan zituela aitortu zuen orduan gazteak.
Hori guztia nahikoa ez, eta hara pastelaren ginda: gidatzen zuen autoak iraungita zuen IATa.
Gauzak hala, lau salaketa akta zabaldu zituen Guardia Zibilak gaztearen kontra, denera 2.001 euroko isuna ordaindu beharko du eta 9 puntu kenduko dizkiote gida-baimenetik.
Salaketak, zehazki, honako hauek dira: agintaritzari desobeditzea eta aurre egitea, autoritateak eskatuta identifikatzeari uko egitea eta identifikazio-prozesuetan datu faltsuak edo okerrak ematea (horrek 601 euroko isuna dakar).
Halaber, gorputzean drogak izanda ibilgailu motorduna gidatzeagatik (1.000 euro eta 6 puntu), telefono mugikorra erabili bitartean gidatzeagatik (200 euro eta 3 puntu) eta IAT iraungita izateagatik (200 euro).
Gertatu zitezkeenak aintzat hartuta, gaitzerdi.
Zure interesekoa izan daiteke
Euskal Herriko lau jatetxek lehen Michelin izarra lortu dute
Bakea (Mungia), Islares (Bilbo), La Revelía (Zornotza) eta Itzuli (Donostia) dira zerrenda ospetsuan debuta egin duten jatetxeak. Bakeak Izar Berdea aipamena ere lortu du, gastronomia jasangarriarekin konprometitutako establezimenduak premiatzen dituena.
Indarkeria matxistaren aurka egiteko konpromisoa eskatu dute Euskal Herri osoan
Feminismoak Euskal Herriko kaleak hartu ditu azaroaren 25 honetan, indarkeria matxista salatu eta horri aurre egiteko aldarriak ozen zabaltzeko. Izan ere, feministek salatu dutenez, matxismoa bizitzaren alor guztietara hedatzen da.
Milaka herritar atera dira kalera, indarkeria matxista eta konplizitate sareak salatzeko
Euskal Herriko Mugimendu Feministak eta Itaia antolakunde sozialistak deituta, dozenaka protesta-ekintza egin dira arratsaldean. Urtea hasi zenetik, Euskal Herriko zazpi emakume hil dituzte haien bikotekideek.
Mugimendu Feminista: "Indarkeria instituzional matxistari zentralitatea ematea da gaurko aldarrikapen nagusia"
Indarkeria Matxistaren Aurkako Nazioarteko Egunean, Euskal Herriko Mugimendu Feministak deituta, dozenaka protesta ekintza egin dira herri eta hirietan, arratsaldean. Milaka herritar atera dira kalera, "indarkeria instituzional matxista" salatzeko. Naia Torrealdai EHko Mugimendu Feministako eledunak esan duenez, erakundeek behin eta berriz berbiktimizatzen dituzte emakumeak, "batez ere, egiten ez dutenagatik".
Zizur Nagusiko istripuan larri zauritu zen 55 urteko emakumea hil da
Hiru egun garun-heriotza egoeran eman ondoren hil da. Istripuan bost zauritu izan ziren, eta horietako biri alta eman zaie.
Indarkeria matxistaren aurkako borrokan gizarte osoaren inplikazioa aldarrikatu dute erakundeek
Goizean erakundeek elkarretaratze isilak egin dituzte eraikin ofizialen atarietan. Arratsaldean, 19:00etan hegoaldeko hiriburuetan, eta 18:30ean Baionan elkartuko dira mugimendu zibilak, talde feministek deituta.
Abisu horia EAEn euriagatik, metro karratuko 65 litro pilatuko direlako
Batez ere, ipar partean botako ditu zaparradak, eta ekaitzak jo eta txingorra egin dezake kostaldetik gertu.
Antxoa gazteak ugari dira Bizkaiko Golkoan eta batezbesteko historikoa bikoiztu dute
Aurten Juvena kanpainak estimatutako kopuruak —38.160 itsas milia karratuko azalera hartu du aztergai— udaberrian jaiotako ale gazteek bikain biziraun dutela utzi du agerian, eta larba- eta gazte-faseen garapenerako baldintza ozeanografiko eta ekoizgarri oso onuragarriak egon direla erakusten du.
Xabier Anduaga tenoreak jasoko du 2026ko Urrezko Danborra
Donostiako Udalaren Bozeramaileen Batzordeak proposatutako 56 hautagaien artean aukeratu du tenore donostiarra.
Gaur hasiko da Pablo Gonzalezen aurkako epaiketa Polonian, espioitza leporatuta
Kazetaria Ukraina eta Polonia arteko mugan atxilotu zuten 2022ko otsailean, Errusiak Ukraina inbaditu eta egun gutxira, Errusiako zerbitzu sekretuko espioia izatea egotzita.