Dobaran: ''DBH bukatzean B2 lortzea ezinbestekoa da ikasketa prozesua ondo egiteko eta erabileran eragiteko''

Miren Dobaran Hizkuntza Politikako sailburuordeak esan du tokian tokiko egoeren gainean eraiki beharko direla hizkuntza proiektuak, baina eskolak bakarrik ezingo duela hori egin. "Ez da soilik metodologiak aldatu eta irakasle gehiago jartzea, ekosistema oso bat eskaini behar zaie ikasleei euskaraz aurrera egin dezaten, gaitasun horiek lor ditzaten eta inguru informalean ere euskaraz gozatzeko aukera izan dezaten, ez dadin euskara soilik hizkuntza akademikoa izan".