Amurriotik Donostiara, hankei eragiten eta hitzez ekiten
Hemen da Korrikaren 22. edizioa. Martxoaren 31n abiatuko da euskararen aldeko lasterketa Amurriotik, aurreko edizioa bukatu zen herrialde beretik, ohi bezala. 16:30ean hasiko dira euskaltzaleak hankei eragiten, Korrikaren amaieran irakurriko den mezua lekuko barruan sartu ondoren.
Amurrioko AEK euskaltegiko sei irakasleek egingo dute Korrikaren lehen kilometroa, eta, tipi-tapa, hamaika egunez gelditu gabe jarraituko du lasterketak, "HitzEkin" lelopean aurtengoan. Hizperri horren bidez, "euskaldun proaktiboen" beharra azpimarratu nahi dute antolatzaileek, "konbentzimendutik ekintzara, praktikara, jauzi egin behar baita".
Ibilbideari dagokionez, lehenengo arratsalde-iluntzeetan Aiaraldean eta Enkarterrin ibiliko da lekukoa, eskuz esku, eta apirileko lehenengo egunekin batera sartuko da Hego Uribera, Arrankudiagan barrena, hain zuzen.
Apirilaren 1ean bertan iritsiko da lehenengo euskal hiriburura Korrika, 17:00etan sartuko baita Gasteizera. Biharamunean, apirilaren 2an, Iruñean izango da; apirilaren 4an, Donibane Garazi eta Maule zapalduko ditu; apirilaren 6an, Bilbo; apirilaren 9an, azken-aurreko etapan, Baiona; eta apirilaren 10ean, Añorgatik sartuko da Korrika Donostiara, 07:30 aldera.
Mezuaren irakurketa eta amaierako jai handiaren hasiera 12:30erako aurreikusita dago, Donostiako Boulevarden.
"Ika, ika, ika, hemen dator Korrika!" eta "Tipi-tapa, tipi-tapa, Korrika!" oihu artean, etengabe entzungo da "HitzEkin" Nerea Urbizuk aurtengo ediziorako konposatutako kantua, Sustrai Colinak hitzez jantzitakoa.
Zure interesekoa izan daiteke
75 urteko euskal herritar bat hil da Errioxan, bere autoa AP-68 errepidetik aterata
Istripua astelehen goizean gertatu da, Errioxako San Asensio herrian, gizonezkoaren ibilgailua errepidetik atera denean.
Bruce Springsteen, Jose Luis Rebordinos eta Karlos Arguiñano, Urrezko Danborra irabazteko 56 hautagaien artean
Behin betiko zerrenda eskuan, Donostiako Udaleko Bozeramaileen Batzordeak astearte honetan bilera egingo du. Batzorde horrek gehienez 3 hautagai aukeratuko ditu, baina hautagai batek gehiengo berezia lortuko balu, hau da udalbatzaren ordezkaritza ponderatuaren hiru herenak, Urrezko Danborraren irabazlea zuzenean izendatuko du.
Eskolak bertan behera utzi dituzte EHUren Leioako campusean, ur-sarean matxura izan da eta
12:00etatik aurrera, Leioako campuseko ikastegi eta eraikinetako jarduera guztiak eten dira. Mozketak ez du eraginik izango kiroldegian ezta Zientzia Parkeko eraikinetan ere; eraikin horietan ohiko jarduerarekin jarraitu ahal izango da. Errektoreordetzak jakinarazi du konponketa-lanetan ari direla eta hornidura "ahalik eta lasterren" berrezartzea aurreikusten dela.
Saaki, Euskadin ospitaleratutako haurren beldurra baretzeko robot berria
Bioaraba Osasun Ikerketa Institutuak, Vital Fundazioarekin lankidetzan, SAAKI proiektua aurkeztu du. Unitree G1 EDU robota Txagorritxun izango da, teknologia eta enpatia bidez ospitaleratutako haurren esperientzia hobetzeko.
Arartekoak dei egin du "emakumeak eta neskak kosifikatzea eta merkantilizatzea" galaraz dezagun
Astearte honetan Emakumeen aurkako Indarkeria Desagerrarazteko Mundu Eguna dela eta egindako adierazpen instituzionalean, EAEko Defentsa Erakundeak salatu du indarkeria matxistak "urtero errugabeen bizitzak kentzen" jarraitzen duela, eta "indarkeria hori zuzenean nozitzen duten emakumeen osotasun fisiko eta moralaren eta duintasunaren kontra eraso egiten" duela.
Miren Elgarresta (Emakunde): "Salaketak icebergaren punta dira, horren azpian badago indarkeria matxista normalizatu bat, oso orokortua"
Emakumeen aurkako indarkeria desagerrarazteko egunaren bezperan, Miren Elgarresta Emakunderen zuzendariak urteko lehen 10 hilabeteetako salaketen gainean hitz egin du, Euskadi Irratian. Horren esanetan, Ertzaintzak argitaratutako datuak bat datoz emakumeen aurkako indarkeriari buruzko inkestan Emakundek bildutako emaitzekin.
Gizon bat hil da Abartzuzan, lan-istripuz
Ezbeharra herriko elikagai-enpresa batetik gertu dagoen landa-bide batean gertatu da. Kamioi batek 49 urteko langilea harrapatu du.
Bost autoren arteko istripu batek sei kilometro arteko ilarak sortu ditu N-1ean, Iruran, Irungo norabidean
Bost ibilgailuk elkar jo dute N-1 errepidean, Irura parean. Istripuaren ondorioz, bost pertsona zauritu dira, eta ospitalera eraman behar izan dituzte.
Albiste izango dira: Save the Childrenen txostena, Jordi Pujolen aurkako epaiketa eta Ukrainarako bake akordioa
Gaurkoan Orain-en albiste izango direnen laburpena, bi hitzetan.
Gazteen % 32ren ustez, normala da Interneten argazki eta bideo erotikoak saltzea, Save The Childrenen arabera
Gobernuz Kanpoko Erakundeak egindako ikerketa baten arabera, hiru gaztetik batek uste du zilegi dela dirua irabaztea eduki erotikoa salduta, % 71k baino gehiagok ez dute praktika hori esplotazio gisa identifikatzen, eta nesken ia erdiek "sugar dating" publizitatea jaso zuten adingabekoak izanda. Azaroaren 25aren bezperan argitaratutako txostenak nerabeen artean zabaltzen ari diren sexu-esplotazioko dinamika berrien berri ematen du.