Emakunderen ikerketa: "Emakumeei gizonei baino proba antidepresibo gehiago errezetatzen dizkiete"
Emakundek enkargatutako ikerketa baten arabera, gizonen eta emakumeen arazo psikiatrikoak tratatzeko orduan desberdintasunak ematen dira; izan ere, emakumezkoei antidepresibo gehiago errezetatu eta proba diagnostiko gutxiago egiten dizkiete.
Beraz, "diagnostiko talde berdinean, sexuaren arabera, modu ezberdinean aztertu eta ekiten da", ondorioztatu du ikerketak. Horregatik, gogoeta bat egitea eta genero ikuspegiko osasun estrategiak bultzatzea eskatu du.
Izaskun Landaida Emakundeko zuzendariak eta ikerketaren egileak, Margarita Saenz Herrero Gurutzeta Ospitaleko doktoreak eta Maria Recio Barbero BioGurutzeta Ikerketa Institutuko ikertzaile eta Neuropsikologia espezialistak txostena aurkeztu dute.
Landaidak gogorarazi duenez, faktore soziekonomikoek emakumeen osasunari eragiten diote, zaintza lanen banaketan desoreka, guraso bakarreko familia nukleo gehiago, errenta maila txikiagoa, langabezia handiagoa eta bazterketa sozialak esaterako.
2020an, Munduko Osasun Erakundeak (OME) dagoeneko egiaztatu zuen depresioa ezgaitasun arrazoi nagusia izan zela mundu mailan, eta emakumeengan eragin handiagoa izan zuela.
Substantzien erabileragatik trastornoa maskulinoa dela agerian utzi du ikerketak, baina trastorno mental arruntetan emakumeak kasuen % 65 dira.
"Proba diagnostiko osagarri bat egiteko aukera gutxiago dute emakumeek gizonek baino, irudi zein analitikoa, eta aldi berean antsiolitiko gehiago agintzen dizkiete", azaldu du Emakundek ohar batean.
Substantzien erabileragatik trastorno kasuak, bestalde, "emakumeetan behar baino gutxiago diagnostikatzen eta tratatzen dira". Horregatik, adikzio unitateetan gizon baino emakume gehiago daude.
Txostenak gogora ekarri duenez, emakumeek komunitate terapeutiko batean bizitzeko aukera gutxiago dituzte, adingabeak edo familiako beste kide batzuk zaindu behar dituztenean batez ere.
Gainera, substantzien menpekotasuna duten emakume pazienteei gizonezkoei baino % 80 sendagai gehiago errezetatzen dizkiete.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.