Cabezudoren helburua, argazkiak ateratzea baino gehiago, "sexu-abusuak egitea" zen, akusazioaren arabera
Mario Diaz abokatuak astearte honetan adierazi duenez, argazkilari donostiarraren "helburua ez zen bere modeloei argazkiak ateratzea, sexu-abusuak egitea baizik". Hala, Diazen ustez, neskek argazkilari donostiarrarekin kontratua sinatzen zutenean, "arima deabruari saltzen zioten".
Kote Cabezudoren epaiketan akusazio partikularrak ondorioen txostena aurkeztu du. 16 neska ordezkatzen dituen abokatuak eutsi dio ia 2.700 urteko espetxe zigor eskariari. Akusazioak dio sexu gehiegikeriak eta haur pornografia frogatu dituztela auzian zehar ikusitako bideo eta argazkietan. Biktimak babes gabe sentitu direla Cabezudok bere burua babesteko inpunitate sarea eraikia zuelako.
Hiru hamarkadatan jokaera beretsua izan du argazkilariak, Diazen arabera: modeloei kontratua sinarazten zizkien, euren irudi eskubideez jabetzen zen, eta, ondoren, ateratako irudi esplizituekin mehatxu egiten zien benetako helburua lortzeko; sexu gehiegikeriak egitea. "Baziren astean bi aldiz Cabezudoren estudiora joan behar izaten zuten neskak", azaldu du.
Bideo horietan jasota daude abusu horietako asko, baina askoz gehiago izan zirela dio akusazio partikularrak, eta erantsi du emakumeek Cabezudo erabat babestuta ikusten zutela. "Emakume horiek izututa bizi ziren, irudi horiek denok elkar ezagutzen dugun inguru batean" zabalduko ote ziren beldurrez. "Jasan beste aukerarik ez zuten, bizitza izorratu ziezaiekeelako", esan du. Akusazioaren arabera, argazkilariaren helburua ez zen argazkiak egitea, sexu-abusuak egitea baizik.
Fiskalak astelehen honetan emandako azken alegatuaren ondoren (argazkilaria zigortzeko "mota guztietako ebidentzia nahikoak" daudela adierazi zuen), Mario Diezek honako hau nabarmendu du gaurko auzi-saioan: "Bere estatusa aprobetxatuz, modelo gisa beren ibilbidean hazteko aukera ikusten zuten neskekin harreman sexualak izateko aprobetxatu zuen argazkilari baten istorioa da hau".
Cabezudoren defentsak denbora gehiago eskatu zuen fiskalak eskaera luzatu ondoren auzia hobeto prestatzeko, baina epaiketa astebetez etenda izan ostean, argazkilariaren abokatuak bere bezeroaren errugabetasuna berretsi du eta hasierako txostenari eutsi dio; izan ere, bere hitzetan, "argazkilari donostiarrak ez du inolako erantzukizun zibilik gertakarietan".
Dena ondo bidean, epaiketa asteazken honetan amaituko da, defentsaren txostenarekin eta akusatuari azken hitza erabiltzeko eskubidea eskainita. Gogoratu honek bere aurkako akusazio guztiak ukatu dituela epaiketan. Horren ondoren, epaiketa epaiaren zain geratuko da.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.