509.000 desplazamendu espero ditu Trafiko Zuzendaritzak, pandemia aurreko joan-etorri kopurua berreskuratuta
Gaur asteazkena, 15:00etan abiatuko da Eusko Jaurlaritzaren Aste Santuko irteera operazioa.
Azken bi urteetako aste santuetan mugikortasun murrizketak izan ondotik, oraingo honetan, 2019ko zifretara iristea espero da. 509.000 desplazamentu aurreikusi ditu Eusko Jaurlaritzako Trafiko zuzendaritzak, hau da, pandemia aurreko joan-etorri bolumena. Jaurlaritzak ez daki, baina, erregaien prezioak eraginik izango ote duen joan-etorrietan.
Hala azaldu du Eusko Jaurlaritzako Trafikoko zuzendari Sonia Diaz de Corcuerak Lopidanako zerbitzugunean kokatutako Ertzaintzaren trafikoa zaintzeko gunean emandako prentsaurrekoan.
Asteazken arratsaldean eta ostegun goizean espero da trafiko mugimendu handiena, baita astelehenean ere, egun osoan zehar.
Gogoratu du azken hamarkadan 2012an eta 2019an izan zirela hildakoak Aste Santuan. Horregatik, kontu handiz gidatzeko dei egin du, istripuak eta biktimak saihesteko.
Arretaz gidatzeko gomendio orokorraz gain, ohartarazi du irteera-itzulera operazio honetan zenbait arreta-puntu berezi izango direla, sor daitezken pilaketa eta arazoak direla medio.
Hala, Corcuerak euskal errepideetako puntu kritikoak zerrendatu ditu.
- A8 autobidea Kantabriarekiko mugan
- AP-8 autobidea Biriatuko ordainlekuan,
- AP1 autobidearen eta A1 errepidearen arteko lotunea, Armiñongo ordainlekuan.
Zure interesekoa izan daiteke
Beroagatik ezarritako alerta abisu horira jaitsi dute EAEn; Nafarroa erdialdean eta Iparraldean alerta mailari eutsiko diote
Arabak alertapean jarraituko du baso sute arriskuagatik. Abisu maila gorabehera, sargori egiten jarraituko du: maximoak 30 ºC-koak izango dira kostaldean, eta 37-38 ºC-koak, barnealdean. Astelehenean behera egingo dute tenperaturek.
Ezkaraiko sutea egonkortu dute, 115 hektarea inguru kiskali ostean
Dirudienez, Ayabarrena herrixkako sutea ostegunean piztu zen, ekaitzean botatako tximista baten eraginez.
"Joker" identifikatu eta zigortu dute bosgarren entzierroan, zezena grabatu eta ukitzeagatik
Sare sozialetan "Joker" bezala ezaguna den gizona identifikatu eta zigortu du Iruñeko Udaltzaingoak, telefono mugikorrarekin San Ferminetako bosgarren entzierroa grabatzeagatik eta zezenetako bat ukitzeagatik, korrika egiten ari zela. Bere portaerak entzierroaren araudia urratzen du, eta lasterkarien eta animalien segurtasuna arriskuan jartzen du.
Almeriako suteak "bilakaera ona" du, baina 6600 hektarea erre ditu dagoeneko
Baldintza meteorologikoek hobera egin dute, eta "lehen aldiz, suteari aurre egiteko moduan gara", iragarri du Larrialdi kontseilariak. Oraindik 23 pertsona topatu ezinda dabiltza, baina ez dute hustutze eta konfinamendu gehiagorik egin. 12 dira hildakoak.
Jose Escolarren zezenek entzierro arriskutsua osatu dute, eta korrikalari batek adarkada jaso du aurpegian
Taldean atera dira, baina azkenean batzuk atzean geratu eta une arriskutsuak izan dira, baina baita lasterketa ikusgarriak ere. Lehenengo balantzearen arabera, 14 dira zaurituak, eta batek adarkada jaso du aurpegian.
Almeriako sutea: 12 pertsona hil dira, beste 23ren berririk ez dago eta lau zauritu larri daude
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Larrialdi zerbitzuek lanean dihardute Ezkarain bost pertsona ebakuarazi dituen sutea itzaltzeko
Ostegun gauean Ezkaraiko Ayabarrena auzo inguruan piztutako baso-suteak aktibo jarraitzen du, eta jada 105 hektareari suntsitu ditu. Errioxako Gobernuak emandako lehen hipotesien arabera, inguruan izandako ekaitzaren tximista batek jota piztu da sutea. Sutearen bilakaerak prebentzioz bost pertsona Ayabarrenatik ateratzera behartu ditu, eta larrialdi-taldeek lanean jarraitzen dute suaren hedapena gelditzeko.
Auzitegi Nazionalak bi agintari militar israeldar ikertuko ditu Global Sumud Flotillako kideak atxilotzeagatik
Epaileak ez ditu tramiterako onartu Israelgo ontzietan edo Israelgo lurraldean egindako gertakariei buruzko kereilak, uste baitu tripulatzaileak Israelera eraman zituztenetik gertakariak jada kanpo geratzen direla ontzian bertan egindako delituetatik.
1.000 agente baino gehiago izango dira aurten Baionako bestetan segurtasuna bermatzen
Sexu erasoez gain, 2023an eta 2024an izandako bortizkeria kasuak saihestu nahi dituzte agintariek. Adingabeen gurasoei "arduraz" jokatzeko deia egin diete mozkortutako adin txikikoekin arazorik ez izateko.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.