Eusko Jaurlaritzak harrera-gida argitaratu du ukrainar errefuxiatuentzat
Eusko Jaurlaritzak harrera-gida argitaratu du Euskadira iristen diren Ukrainako iheslarientzat. Jasotzen duen informazioaren artean dira premiazko ostatuak, baimenak, nazioarteko babes eskaerak eta eskuragai dituzten erakundeen zerbitzu eta laguntzak.
Euskaraz, gazteleraz eta ukrainarrez argitaratu dute gida eta pertsona horiei Euskadin finkatzeko prozesua erraztea du helburu, kolektibo zaurgarrienei arreta berezia eskainiz.
Seniderik gabe iristen diren adingabekoei dagokienez, txostenak dio foru aldundiak arduratuko direla euren egoera sozio-familiarraren balorazioaz, aldi baterako zaintza gain hartuko dutela eta, udalekin batera, arrisku edo babesgabetasun egoera posibleak baloratuko dituztela.
Gidak kolektibo zaurgarri gisa azpimarratzen duen beste talde bat da indarkeria matxistaren biktima izan diren edo sexu askatasunaren aurkako delituak pairatu dituzten emakumeena. Indarkeriaren biktima diren emakumeei laguntzeko, Satevi zerbitzua eskaintzen zaie: 900 840 111, eta gogorarazten zaie, besteak beste, ukraineraz zein errusieraz hitz egin dezaketela laguntza-telefono horrekin.
Era berean, LGTBI kolektiboko ukrainar errefuxiatuei, bestelako behar espezifikoak dituztenei eta laguntza eskatzen dutenei Berdindu zerbitzu publikoaren kontaktua luzatzen zaie.
Oro har, gidak Gurutze Gorriaren eta CEARen telefono eta helbideen inguruko informazioa ematen du. Zerbitzu horietara zuzendu daitezke iritsi berri diren edo Euskadira bidean dauden pertsonak.
Gainera, bizileku-baimenak eta bestelako laguntzak eskatzeko informazio osoa ematen du gidak. Izan ere, pertsona horien egoera bereziagatik, sistema eta zerbitzu publiko gehienetarako sarbidea daukate, aldi baterako babes baimena eskatu ala ez eskatu. Hala ere, baimena non eta nola eskatu adierazten zaie, baita horretarako behar dituzten agiriak zeintzuk diren ere.
Gidak informazio zabala jasotzen du gizarte zerbitzuetara nola jo jakiteko; Osakidetzarako, Lanbiderako eta Hezkuntza sistemarako sarbidea izateko eta errolda-izapideak betetzeko.
Txostenaren amaieran, oinarrizko gomendioak eskaintzen dira Euskadira maskotekin iritsi diren pertsona ukrainarrentzat.
Albiste gehiago gizartea
MAKUSIren urteko jai erraldoia, haur eta gazteei zuzendutako jarduera-egitarau zabalarekin
EITBk haur eta gazteentzat euskaraz duen ekosistema eta plataforma digitalak egun handia du larunbat honetan. Izan ere, bigarrenez, MAKUSIren urteko jai erraldoia ospatzen ari dira egun osoan Barakaldon, BECen. MAKUSI unibertsoko protagonistek gune bereziak dituzte bertan.
Kamioi batek su hartu du AP-8ko tunel batean, eta autobidea itxita dago Astigarragan, Irungo noranzkoan
Bilborako noranzkoan ere eten dute zirkulazioa, baina dagoeneko bere onera itzuli da.
:eitb-banner?$eitb-banner$&fmt=webp-alpha&qlt=80)
'Alice' depresio isolatuak alerta egoeran jarri du penintsulako Mediterraneoko kostaldea
Alice goi-geruzetako depresio isolatuak euri-jasak eta uholdeak utzi ditu Mediterraneoko kostaldeko herri askotan, bereziki Valentziako Erkidegoan, Murtzian eta Balearretan. Valentziako Erkidegoa izan da kaltetuenetako bat, Gandiako (Valentzia) hainbat tokitan metro koadroko 110 litro baino gehiago pilatu baitituzte lau orduan. Estatuko Meteorologia Agentziak (Aemet) alerta aktibatu du, eta prezipitazioak astelehenera arte izango direla iragarri du.
Bost pertsona zauritu dira Gendulainen, kamioi baten eta auto baten arteko talkan
A-12 Iruñea-Logroño autobideak, Iruñerako noranzkoan, ohiko martxa berreskuratu du laster. Goizean, ordea, bidea itxi behar izan dute ezbehar horren ondorioz, eta NA-1110 Iruñea-Logrono errepidetik bideratu dute zirkulazioa, Foruzaingoak jakitera eman duenez.
100.000 biztanleko 15 psikiatrako ratioarekin, EAE da Estatuan arreta psikiatriko gehien ematen duena
Osasun mentaleko arretan, gizartean eragin handia duten arazo konplexuei aurre egiteko proiektu estrategikoak garatzen ditu Osakidetzak, hala nola suizidioaren prebentzioa, lehen gertakari psikotikoetan esku hartzea edo elikadura-nahasmenduen arreta.
Bilboko saltoki batek salgai dituen 65 telefono lapurtutakoak ote diren ari dira ikertzen
Ohar baten bidez, Udalak jakinarazi du Mariaren Bihotza plazan dagoen denda miatu ondoren, bi pertsona ari direla ikertzen, delitua egin dutelakoan.
Osasunaren kalterako baldintzetan prostituitzera behartuta zeuden bost emakume askatu dituzte Donostian
Sexu askatasunaren aurkako delituak jazartzeko ikerketa ekainean hasi zuten. Operazioan, hiru lagun atxilotu dituzte eta Donostiako Isabel II.aren hiribidean zegoen prostituzio etxe bat desegin dute.
Ikasleen ongizate emozionala zaintzeko ingurune positiboak sustatzen dituzte eskola askotan
Ikasleen ongizate emozionala gero eta garrantzitsuagoa da eskolan. Hori dela eta, txikitatik erabateko arreta eta emozioen autogestioa kudeatzen irakasten diete eskola-giroan, irakasleek haurren garapenean duten eginkizun eragingarria sustatzeko.
Alice depresioak 120 l/m2 utzi ditu Cartagenan eta 100 l/m2 Valentziako Erkidegoko toki batzuetan, baina ez du gorabehera larririk eragin
Murtziako 12 udalerritan bertan behera utzi dituzte eskolak, eta erkidegoko hainbat bide eta errepide itxi behar izan dituzte.
"Aldez aurretik salaketarik ez badago, Administrazioek ezin dute jarduera pribatuetan esku hartu"
Bernedoko udaleku polemikoen auzia mintzagai izan du Arabako Kultura eta Kirol foru diputatuak. Dagoeneko 18 salaketa jarri dira kanpaleku horietan sexu-askatasunaren aurka egin omen ziren delituengatik.