AP-8 autobidea itxiko dute Deban bihar, zuhaitzak mozteko

AP-8 autobidea itxita egongo da bihar, igandea, Deban, Bilborako bidean, eta trafikoa bypass baten bidez zuzenduko dute, bide bazterrean erortzeko arriskuan dauden zenbait zuhaitz mozteko lanak direla eta.

Gipuzkoako Foru Aldundiak jakinarazi duenez, 56,5 kilometroan itxiko dute autobidea, 07:00etatik aurrera, zuhaitz batzuk mozteko.

Aurreikuspenen arabera, igandeko 20:00ak arte egongo da itxita AP-8a tarte horretan. Bilbora bidean, bypass baten bidez bideratuko dute zirkulazioa, Behobiara bidean dauden erreiak erabilita.