Bi langile hil dira Calahorrako biodiesel lantegi batean izandako leherketan
Bi langile hil dira ostegun honetan Calahorrako (Errioxa) biodiesel lantegi batean izan den leherketan. Ezbeharra Iniciativa Bionergeticas konpainiaren instalazioetan gertatu da. Lan-istripuan zendu diren beharginak nortzuk diren ez dute argitu, baina, antza, azpikontratatuta ari ziren lanean.
Leherketaren ondorioz, hiru depositu kaltetu dira eta isurketak izan dira. Ke-laino handia sortu da, baina ez da hiriguneraino iritsi, eta egoera kontrolpean hartu dute. Alabaina, oraindik ez dute lortu sua erabat itzaltzea.
Lantegiko bi depositutan biodiesela gordetzen zuten eta gainerakoetan olio gordina. Horietako batek eztanda egin du eta beste hiruretan kalteak eragin ditu. Larrialdietako zerbitzuak tanga horietatik isuritako erregaia zabal ez dadin.
Leherketa 12:55ean gertatu da eta industria-gune horretako enpresa guztiak jendez hustu behar izan dituzte. Halaber, inguruan dagoen Tierra Rapaz parke naturalera bisitan joanak ziren Calahorrako eta Zaragozako 250 ikasle ebakuatu dituzte.
Pertsona bat ospitalera eraman dute, baina handik gutxira senda-agiriarekin etxera joan da. Gainera, hogei bat lagun tokian bertan artatu dituzte, kea arnastu dutelako edo antsietate-krisia izan dutelako.
Guztira, larrialdi zerbitzuetako 100 pertsona baino gehiago ari dira lanean ezbeharraren lekuan, tartean Nafarroako eta Arabako suhiltzaileak.
Bestalde, Alex Dorado Errioxako Gobernuko bozeramaileak adierazi du "oraindik goizegi" dela leherketa zer eragin duen esateko.
Concha Andreu Errioxako Gobernuko presidenteak erantsi du hildako langileak nortzuk diren jakiteko lanean ari direla ikerlariak, eta ez du argitu irregulartasunengatik enpresa horren kontrako salaketarik izan den aurrez.
Zure interesekoa izan daiteke
Espainiako Gobernuak hartu du Ceutako krisiaren kudeaketan aginte bakarra
Espainiako Gobernuak 'Segurtasun Nazionalaren interes egoera' aldarrikatu du, eta migrazio krisiari eman beharreko erantzuna koordinatzeko aginte bakarra izan da. Angel Victor Torres Lurralde Politikako eta Memoria Demokratikoko ministroak zuzenduko du egitura.
Gizon bat atxilotu dute Irungo prostituzio-etxe batean ustez sexu-erasoa egiteagatik
Erasotzaileak, 12.000 euro eskudirutan zeramatzanak, biktima atxiki eta laguntza ematera joan zitzaion beste emakume bat jo zuen.
Adin txikiko baten irudiarekin lagun bati estortsioa egiteagatik bi pertsona atxilotu dituzte Iruñean
Mehatxu eginez ia 50 mila euro lortu zituzten. Estortsioa jasan zuen gizonak berak aurkeztu zuen salaketa, eta horren ostean atxilotu dituzte 31 urteko gizona eta 29 urteko emakumea.
Juan Mari Aburto: "Ekitaldien alkatea baino, nahiago nuke igogailuen alkate gisa oroitua izatea"
Radio Euskadin egindako adierazpenetan, Juan Mari Aburto Bilboko alkateak adierazi du Aste Nagusiaren hirugarren jardunaldian zortzi atxilotutu egon direla eta 48 salaketa jarri direla, iazko epe berean baino kopuru txikiagoak. Halaber, azaldu du bere agintaldian Bilbon ekitaldi handiak antolatu diren arren, 'igogailuen alkatea' bezala oroitua izatea gustatuko litzaiokeela, horrek herritarren bizi-kalitatea hobetzen lagundu izanaren aitorpena baita.
Zortzi atxilotu eta 55 kilo janari konfiskatu dituzte Bilboko Aste Nagusiko hirugarren egunean
Jai-esparruaren barruan, lau pertsona atxilotu dituzte ebasketagatik, bi iruzurragatik eta zazpigarren bat erresistentziagatik. Jai-eremutik kanpo pertsona bat atxilotu dute, epailearen aginduz.
Ekaitz bortitz batek ia 90 litro utzi ditu metro koadroko hiru orduan Tarragonan
Suhiltzaileek 491 intzidentzia artatu dituzte denboraleagatik Katalunian, eta gorabehera handienak Tarragonan izan dira, 434 jarduketarekin. Azken datuen arabera, 30 zauritu izan dira, eta horietatik lau erietxera eraman dituzte.
Euskadin beroari lotutako ia 300 heriotza posible erregistratu dira udan
Adinari begiratuta, hildakoen % 92k 65 urte baino gehiago zituzten, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusian, pentsio duinen alde
Aste Nagusiko giroan deitu dute manifestazioa, "jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, eta legigintzarako herri-ekimena atzera bota izana salatu dute. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba seguru bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.