EAEko Auzitegi Nagusiak Gipuzkoako bortxatzailearen helegitea atzera bota eta 9 urteko zigorra berretsi du
Euskal Autonomia Erkidegoko Auzitegi Nagusiak (EAEAN) Gipuzkoako bortxatzailearen defentsak aurkeztutako helegitea atzera bota eta 9 urteko kartzela-zigorra berretsi du. Gipuzkoako Lurralde Auzitegiaren erabakiaren aurka errekurtsoa aurkeztu zuen abokatuak, 2015eko urtarrilean, Lasarte-Orian gertatutako sexu-erasoaren harira.
Epaiketa otsailean egin zuten Gipuzkoako Lurralde Auzitegian, Donostian. 37 urteko gizonak, bi alabaren aitak, aurretik sei epaiketa ditu sexu-erasoengatik. 2012tik 2019era Gipuzkoan egindako erasoengatik epaituko dute.
Ahozko saioan, akusatuak Lasarte-Oriako erasoa onartu zuen, baina gogoratzen ez zuela erantsi zuen. 2015eko urtarrilaren 1ean, erasoaren biktimak 21 urte zituen.
Zigortuak bi apelazio-helegite aurkeztu zituen iragan apirilean, 9 urteko espetxe-zigorraren zein Beasainen beste emakume bati egindako erasoagatik ezarritako kartzelaldiaren aurka. Gipuzkoako Lurralde Auzitegiak 15 urteko espetxealdia ezarri zion orduan. Konkretuki, bi zigorrak murriztea eskatu zuen abokatuak.
EAEko Auzitegi Nagusiak, ostera, "akusatuaren erruduntasuna aitortzeko nahikoa froga" daudela erabaki du. Maiatzaren 26ko epaiaren aurka kasazio-helegitea aurkezteko aukera dute bost eguneko epean.
Sententziaren arabera, akusatuaren semen hondarrak bildu zituzten prozesuan, eta horrek "baginatik haragizko harremanaren hipotesia" indartzen du, zigorra mantenduz, "sexu-erasoa penetrazioarekin" izan zelako.
Gipuzkoako Auzitegiak 25.000 euroko kalte-ordaina ezarri zion akusatuari. 14.000 eurora murrizteko eskaera egin zuen abokatuak, baina EAEko Auzitegi Nagusiak atzera bota du.
EAEANk azpimarratu duenez, "sexu-erasoak biktima gaztearen bizitzan utzi duen arrasto sakona begi-bistakoa da". "Kalte psikologiko eta morala eztabaidaezina da", erantsi du. Horregatik, 25.000 euroko kalte-ordaina baieztatu du.
Zure interesekoa izan daiteke
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.