Jon Buesa Arabako EAJren bozeramaile ohiak 46 urte desagertuta egon den Bako jainkoaren bustoa entregatu du
Bako jainkoaren bustoa, duela 46 urte Arkaiako aztarnategian aurkitu zenetik desagertuta egon dena, atzo itzuli zuten auzia ikertzen ari den epaitegira, EITBk baieztatu duenez.
Atzo, Jon Buesa EAJren Arabako Batzar Nagusietako bozeramaile ohiak aitortu egin zion Gasteizko 3. instrukzio epaileari eskultura bere eskutan zegoela.
Epaitegietako iturriek EITB Mediari azaldu diotenez, deklarazio hori egin eta ordubetera, epaileak artelana entregatzeko agindu zion Buesari, Museo Arkeologikoaren esku uzteko.
Orain, museoak egiaztatu egingo du pieza hori benetakoa ote den. Hain zuzen ere, marmolezkoa edo igeltsuzkoa den baieztatuko dute. Izan ere, orain arte Buesak esan du bere esku zegoena erreplika bat zela.
"Albiste bikaina" Aldundiarentzat
Arabako Foru Aldundiaren (AFA) esanetan, eskultura erromatarra itzuli izana "albiste bikaina" da.
AFAtik gogorarazi dutenaren arabera, sekretua ezarri dute auziaren inguruan eta, Europa Pressi esan diotenez, Aldundia hasieratik ibili zen Ertzaintzarekin eta Justiziarekin elkarlanean, gertatutakoa argitzeko, eta "egiten jarraitzen duela".
Gainera, AFAtik berretsi dute teknikariak "epaitegiaren esanetara" daudela, "hori baita une bakoitzean eman beharreko pausoak zeintzuk diren".
Era berean, gogorarazi dutenez, Aldundia, Ertzaintzarekin harremanetan egon ostean, Fiskaltzara jo zuen.
"Gure aldetik, salaketa jarri genuen aipatutako pieza berreskuratzen saiatzeko, jendearen esku buelta zedin, eta BIBAT Arabako Arkeologia Museora itzultzeko", gaineratu dute.
Azkenik, AFAren hitzetan, pieza "ustez modu bidegabean" bereganatu izana, Foru Aldundia gidatzen ari zen lanetan, "gertakari salagarria da, noiz geratu zen gorabehera". "Ondarea da, eta ez da pertsona partikular baten esku egon behar, baizik eta Arkeologia Museoan", esan dute.
Albiste gehiago gizartea
Hizkuntza gutxituak biziberritzeko arnasguneek duten garrantzia aztertuko dute egunotan Azpeitian
Nazioarteko konferentzia gaur eta bihar egingo da Gipuzkoako udalerriko Soreasu antzokian.
Meñika: "Nazioarteko presioa beharrezkoa da, Israelen estrategia genozida amaitzeko"
Gernika-Palestina plataformak deituta, milaka herritarrek hartu dute parte, gaur arratsaldean, 150 udalerritan baino gehiagotan egin diren mobilizazioetan. Protesta zaratsuen bidez, Israel Palestinan egiten ari den genozidioa salatu dute. Igor Meñika Gernika-Palestina taldeko eledunaren arabera, su-etena indarrean egonda ere, Israelen estrategia genozida ez da amaitu.
Palestinaren aldeko burrunba ozen entzun da Euskal Herrian
Hiriburuetako manifestazio jendetsuen ostean, milaka herritar atera dira arratsaldean kalera, Gazarentzat justizia eskatzeko eta Israelen okupazioa salatzeko.
Sunbillako auto-istripuan larri zauritutako 82 urteko gizonezkoa hil egin da
Nafarroako Unibertsitate Ospitalean zendu da, gaur, gizonezkoa. Istripua N-121-A errepidean gertatu zen, Larrakaitzeko tunelean. Bi autok eta bi kamioik talka egin zuten.
Gato Basque pintxoa izan da Euskal Herriko Pintxo Txapelketaren irabazlea
Gipuzkoako Batzar Nagusiek "Ipuscua"ren mila urteak oroitu dituzte Altzon
Gipuzkoako Batzar Nagusiek lurraldearen lehen aipamen idatziaren mila urteak oroitu dituzte Altzon egindako osoko bilkura batean, Imanol Pradales lehendakaria buru zela. Lehendakariak gure arbasoek utzi diguten ondarea nabarmendu du bere hitzaldian.
Bost urteko haur bat hil da Bermeon, eraikin bateko bosgarren solairutik erorita
Ezbeharra 15:30ean gertatu da, eta osasun-langileak bertaratu dira, haurra suspertzeko ahaleginetan, baina ez dute lortu.
Kamioi gidari bat hil da Muxikan, ibilgailuarekin trenbidera erorita
Errepidea itxita dago Muxikarako noranzkoan, istripua dela eta. Trenen zirkulazioa ere etenda dago Zugastieta eta Zornotzako geltokien artean.
Aburto: "Lekukoen arabera, tiroketa bat izan da Otxarkoagan, baina oraingoz ez dugu frogarik ezta bala-zorrorik aurkitu"
ETB1eko Egun On, Euskadi saioan izan da Bilboko alkatea, eta egin dioten elkarrizketan azaldu duenez, Ertzaintzak ikerketa abiatu du bart Otxarkoaga auzoan izan omen den tiroketa dela eta. Adierazi du pertsona bat identifikatu dutela, baina oraingoz ez dute inor atxilotu.
Campusetako istiluek "bigarren mailan uzten dute Gazako bakea", EHUko errektoretzaren iritzian
Identifikatu ez duten talde batek edukiontzi bat erre dute eta beste batzuk gurutzatu ditu EHUko campusean, Leioan. Errektoretza taldeak iragarri du "lehenbailehen" jarriko direla harremanetan "unibertsitateko oinarri etikoak urratu dituztenekin".