Hilean 769 euro kostatzen da seme-alaba bat haztea Euskadin
2022. urtean hilean 769 euro kostatzen da seme-alaba bat haztea Araban, Bizkaian eta Gipuzkoan, Save the Children gobernuz kanpoko erakundeak gaur jakinarazi duenez. 2018an, ostera, 645 kostatzen zen.
Save the Children erakundeak "Zenbat kostatzen da haurrak haztea Euskadin 2022" izeneko txostena aurkeztu du. Batetik, Euskal Autonomia Erkidegoko, Kataluniako, Madrilgo Erkidegoko, Valentziako Erkidegoko eta Andaluziako kasu zehatzak aztertu ditu; bestetik, Espainiako Estatuko ikerketa egin du.
2018ko uztailean lehendabizikoz kalkulua egin zenetik eta 2022ko martxora arte inflazioa % 11 hazi zen Araban, Bizkaian eta Gipuzkoan. Beraz, haur bat haztearen kostua inflazioa baino nabarmen gehiago hazi da. Hezkuntzak (% 1), elikadurak (% 13), arropa eta oinetakoek (% 10) edo aparteko gastuek (% 10) neurri beretsuan egin dute gora; baina beste batzuk, etxebizitza (% 75), hornigaiak (% 55) edo garraioa (% 27), kasu, askoz gehiago.
Araba, Bizkaia eta Gipuzkoako familien erdiek ezin diote haurrak hazteko kostuari aurre egin edo zailtasunak dituzte. Zehazki, 28.960 familiak ezin diote gastu horri aurre egin ezta diru-sarrera guztiak horretara bideratuta ere. Gainera, 87.651 familiak beren diru-sarreren erdia baino gehiago gastatu behar dute horretan.
Espainiako datuak
Espainiako Estatuan 672 euro kostatzen da batez beste seme-alaba bat haztea, 2018an baino 85 euro gehiago (% 14). Andaluzian 641 euro, Valentziako Erkidegoan 710 euro, Madrilgo Erkidegoan 814 eta Katalunian 819.
Save the Children erakundeak haurren hazkuntza babesteko politika publikoak eskatu dizkiote Espainiako Gobernuari eta autonomia erkidegoei. Hiru proposamen zehatz egin ditu:
1) Haurren hazierarako hileko 100 euroko diru-laguntza berri bat martxan jartzea 18 urte bitarteko adin txikikoak dituzten familientzat.
2) Bizitzeko gutxieneko diru-sarrera jasotzen duten familiei eta diru-sarrera txikiak dituztenei hazkuntzarako ematen zaizkien laguntzak eguneratzea.
3) Konpresa eta tanpoien eta pixoihalen zerga murriztea.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.