Itunpeko ikastetxeek ere lanaldi jarraituari heldu eta Hedatze eremuko proiektuetan lan egin ahal izango dute
Jokin Bildarratz Hezkuntza sailburuak baieztatu du itunpeko ikastetxeek ere landu ahal izango dituztela Hedatze programaren baitako proiektuak eta lanaldi jarraituan lan egin. Orain arte, Hauspoa programaren ordezkoa dan hezkuntza-errefortzu eta -laguntzetarako programa hori sare publikoko eskolentzako soilik zegoen martxan; horren bidez ikasketa lagunduak, tailerrak eta kirol-jarduerak egiten dira.
WFCP 2022 Lanbide Heziketako Nazioarteko Kongresuaren inaugurazioan parte hartu du Bildarratzek, Donostiako Kursaal Jauregian, Pilar Alegria Hezkuntza ministroarekin eta Denis Itxaso Espainiako Gobernuak Euskadin duen ordezkariarekin batera, eta hara sartzerako hedabideek egindako galderei erantzunez egin dizu adierazpenok.
Bildarratzek azaldu duenez, "itunpeko ikastetxeek ere Hedatze eremuaren barruan proiektu integralak lantzeko aukera izatea proposatu da". Hala, adierazi duenez, "hezkuntza-komunitate osoak, klaustroak, irakasleek eta ikasleek, curriculumetik kanpoko proiektuak sortzen parte hartu ahal izango dute arratsaldeetan ere, ikasle guzti-guztiei arreta eta, benetan, zerbitzu hobea eta hezkuntza hobea eman ahal izateko, eta eremu formala, kurrikularra eta eremu ez-formala zaintzeko aukera izan dezagun".
Kazetariek galdetu diote ea horrek esan nahi duen itunpeko ikastetxeek lanaldi jarraitua egin ahal izango dutela, eta baietz erantzun du Bildarratzek baietz. "Lanaldi jarraitua egin ahal izango lukete, betiere curriculumez kanpoko jardueretarako espazio bat badute eta ikasleen aniztasun osoari erantzun ahal izango baliote", gaineratu du.
Albiste gehiago gizartea
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.
Hiru pertsona zauritu dira Cadreitan, zezen batek harmailetara salto egin eta gero
Zezen bat harmailetara igo zen errekortari baten atzetik, Cadreitan (Nafarroa). Animaliak errekortaria eta gradetan zeuden bi zauritu zituen. Ekitaldia aldi baterako bertan behera geratu zuten.
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.